II .. مصر : متابعة الأزمة

https://www.facebook.com/?ref=logo#!/note.php?note_id=493485382543&id=542521140
اقرا الكلام ده وشوف عقليات المتظاهرين....
دي الناس اللي عاوزه الديموقراطيه....
ناس مش متربيه اصلا

Eng Mady wrote:

عايز ايه يا حبيبى

**حسنى يمشى
...
*ليه كده يا حبيبى???
......
**هو كده لازم يمشى

*طب ما تستنى للانتخابات اللى جايه ؟؟

**لأ يمشى دلوقتى

*طب ما البلد هتبوظ

**مش مهم يمشى بردو

*طب نتفاهم??

**لأ بعد لما يمشى

*إنت غبى يابنى؟؟؟

**اه بس يمشى

*طب يروح فين؟؟

**معرفش بس يمشى

*طيب ينفع ييجى تانى بعد كده؟؟؟

اه بس يمشى**

هي نكته اه يا مادي
بس والله كتير ده حالهم بجد

ودي مصيبه ان ده حالهم ياايمن

osama sami wrote:

بالنسبة للكلام ان الثورة مش بتتجزأ
يعني مينفعش الناس في التحرير تمشي دلوقتي
وتستنى الحكومة حتعمل ايه
ولو معملتش حاجة
يرجعوا تاني


طيب دلوقتي لو الرئيس مشي
والناس عملوا المطالب كلها

والناس في التحرير مشيت

والانتخابات اتعملت
وجه واحد أسوأ من مبارك

محدش حينزل تاني ؟؟!
ونقول الثورة على الفساد مش بتتجزأ
وان الثورة بتبقى مرة كل جيل زي ما التاريخ بيقول !! ؟

عمرو اديب بيسأل واحد من بتوع التحرير وبيقوله لو مبارك مشى هتروحوا ؟
قاله لأ ممكن نتفاوض بعديها
طب مع نفسكوا بقى اعلنوا التحرير دوله مستقله جمعوا فيها كل شرفاء مصر وسيبوا باقى ال80 مليون الاوساخ يعيشوا حياتهم الطبيعيه بره جمهوريه التحرير

خيرى رمضان ده يشل دى اسئلة يقولها لرئيس الوزراء !!!!!
عمال يقوله على الاخوان عايزه يخرج المعتقلين منهم ويبقوا زى باقى الناس عايشين وسطنا عادى
اذا كانوا حبة منهم قالبين البلد كمان المعتقلين هيخرجوا يخربوها اكتر

osama sami wrote:مع السلامة يا منورة
سلمي على سلمى

منورة يا منورة
سلمي على سلمى

بتختاروا اسماء ماشية مع السلامات

لسة شايفاها دلوقتى
انا فاكرة انى قولت مش شوية همشى مع السلامة فى توبيك فريندز مالقتوش فيه
جت هنا غلط

ده انا شوفت امبارح واحد ملبسينه جيش وهو مش تبعهم اصلا وقاعد وسطهم فى التحرير مربع رجليه ومش بيتحرك كأنه مات قبل كده حاطين قدامه يافطة فيها كلام مش باين بس بالانجليزى والعلم على رجله والناس حاوليه فرحانة اوى معرفش على ايه وفيه لقاء معاه على الحرة بس هما جابوه فى التليفزيون عشان يكدبوه
وخبير عسكرى اتصل كان قرفان منه بيقول قاعد بطريقة قذرة الجيش مايعملش كده وممنوع يشارك فى مظاهرة و لابس قميص عادى تحت الزى الاساسى واللون ده اللى لابسه قديم واتغير خلاص والنجون الدهبى دى مابقيتش كده بردو

حلو اوى الدعاء اللهم آمين
شكرا على اللينك يا أسامة
أهى دى الناس اللى تفيدنا مش باقى الفضائيات اللى بتشمت فينا

تفجير خط الغاز الطبيعى المتجه من مصر لإسرائيل



اشتعلت النيران فى ساعة مبكرة من صباح اليوم بأحد خطوط الغاز الرئيسية بمدينة العريش، مما أدى إلى حدوث انفجارات فى خط الشيخ زويد وتعالت ألسنة النيران بالمنطقة.

وتبذل قوات الإطفاء جهودها للسيطرة على الحرائق وجار إغلاق خط الغاز لمنع تدفق المزيد من الغاز وزيادة الاشتعال .

وذكر التليفزيون المصرى أن عناصر تخريبية قامت بعملية تفجيرية فى محطة الغازالرئيسية الدولية المتجهة من مدينة العريش إلى الأردن وهناك خط فرعى آخر فى منطقة الشيخ زويد متجه بطريق البحر إلى إسرائيل وتصاعدت ألسنة اللهب فى السماء.

وقال التليفزيون المصرى: إن ألسنة النيران تصاعدت فى السماء لدرجة أن المواطنين فى قطاع غزة شاهدوها برغم بعد المسافة التى تقدر 70 كيلو متراً.

وذكرت مصادر مسئولة أنه تمت السيطرة على الحريق.. مؤكدا أنه لا توجد أى خسائر بشرية.

وقالت المصادر إنه تم إغلاق جميع محابس أنابيب الغاز بالمحطة، كما تم إخماد ألسنة اللهب التى تصاعدت جراء الحريق".

محافظ شمال سيناء: السيطرة على انفجار خط الغاز العربى بمدينة العريش



أكد محافظ شمال سيناء اللواء عبد الوهاب مبروك، أن وضع انفجار خط الغاز أصبح تحت السيطرة وتم إيقاف ضخ الغاز وسيتم إصلاح مكان الانفجار، كما قالت مصادر مسئولة إن التفجير الذى استخدمت فيه قنابل ناسفة ومتفجرات تم فى ساعة مبكرة اليوم.

وأشارت مصادر محلية إلى أن عدداً من الفنيين من بدو سيناء ساهموا فى إغلاق محابس ضخ الغاز بصورة يدوية، وأن البدو يرفضون أى اعتداء على المنشآت العامة.

وكان مجهولون يرجح أنهم أجانب قاموا بتفجير خط الغاز العربى المؤدى إلى الأردن وسوريا ودول أخرى بالقرب من منطقة المزارع بمطار العريش.

وكانت شركة الغاز قامت قبل شهرين بإحاطة الخط بجدار خرسانى من الجانبين لحمايته، ووفق المصادر فإن الخط الدولى تم تنفيذه على عدة مراحل وتم الانتهاء من أول مرحلة عام 2003 بتكلفة قدرها 220 مليون دولار والسعة السنوية لهذا الجزء هو 1.1 مليار متر والجزء الثانى من المشروع يصل بين العقبة والرحاب فى الأردن، والتى تبعد 24 كم عن الحدود السورية، وطول هذا الجزء 390 كم بتكلفة قدرها 300 مليون دولار وتم الانتهاء منه عام 2005.

والجزء الثالث للخط طوله 324 كم، من الأردن إلى دير على فى سوريا، ومن حتى قرية رايان ويصل إجمالى طول الخط 1200 كلم وبتكلفة تصل إلى مليار دولار، ويمتد من العريش فى شمال سيناء وحتى جنوب سورية، ونفذته شركة "ستروى ترانس غاز" المتخصصة فى بناء منشآت النفط والغاز المملوكة لشركة غاز بروم الروسية

صندوق النقد الدولى يقدم 5 مليارات دولار مساعدات لمصر



قال صندوق النقد الدولى، إنه تقرر أن يمد مصر بمساعدات مبدئية تصل إلى 5 مليارات دولار وجارٍ مراقبة الوضع فى مصر لدراسته، وعلى ضوئه يتم تحديد الحجم النهائى للمساعدات التالية لمصر، كما أن الصندوق على استعداد لتقديم المشورة الاقتصادية إلى مصر فور استقرار الأوضاع.

حذر الصندوق من البطالة وارتفاع الأسعار كتحديات خطيرة للحكومة المصرية، خاصة فى الظروف الحالية.

أضاف دومينيك ستراوس رئيس الصندوق، "لا نعلم تحديداً كيف سيتطور الوضع الاقتصادى؟ لأنه لم يتضح بعد كيف سيتطور الوضع السياسى، وحذر الصندوق دائماً من ارتفاع معدلات البطالة بين الشباب فى الشرق الأوسط.

واستكمل، صندوق النقد قدم تقريراً دورياً عن الاقتصاد المصرى قبل وقت قليل من خروج المتظاهرين إلى الشوارع مطالبين بإنهاء حكم الرئيس المصرى حسنى مبارك بعد 30 عاماً قضاها فى السلطة.

كان مدير البنك الدولى روبرت زوليك قال سابقاً، إنه ينبغى على بلدان مثل مصر التعامل مع مشكلة "التحديث الجزئى" لاقتصادياتها، حيث يسمح النظام السياسى للجماهير بالاستفادة من إصلاحات اقتصادية

مصادر تنفى ما نشره "فوكس نيوز" عن تعرض عمر سليمان لمحاولة اغتيال



نفت مصادر أمنية ما نشره موقع "فوكس نيوز" الأمريكى عن تعرض اللواء عمر سليمان، نائب رئيس الجمهورية، لمحاولة اغتيال أسفرت عن مقتل اثنين من حراسه.

وأشارت المصادر إلى أن نائب رئيس الجمهورية لم يتواجد مطلقا بالمكان الذى ذكره الخبر متهما جماعة الإخوان بترويج الشائعات.

وكان موقع ""فوكس نيوز" الأمريكى، قد نقل عن مصادر أمريكية، قولها إن اللواء عمر سليمان، نائب رئيس الجمهورية، قد تعرض لمحاولة اغتيال فاشلة فى مصر خلال الأيام القليلة الماضية، أسفرت عن مقتل اثنين من حراسه، لكن لم يتم التأكد حتى الآن من هوية الشخصيات التى تقف وراء هذه المحاولة