عمـاد متعــب

عليا الطلائع الواد ده اتجنن وهيودى نفسه فى ستين داهيه

ومن جانبه أكد فرانسوا أنه متفائل بأن الموضوع سيحل وان اللاعب سيعود
لستاندر وسيسجل له العديد من الأهدف في الدوري الذي بدأ منذ عدة أيام.

ده انتوا عالم بارده برود يا جدع

هو وصل لفين؟

نادر بيتكلم دلوقتى على متعب بيقول ان مفيش مشاكل بين متعب وستاندر
وبيقول ان كل ده اشاعات وكلام جرايد وان صوتنا بيوصل هناك وفى اقرب وقت ممكن متعب هيرجع للنادى
متعب استأذن 48 ساعة علشان اخوه تعبان ونزل ومعرفش يسافر تانى
مجدى بيقوله انت عارف انه هيتمنع من السفر ينزل ليه
نادر بيقول الاهلى مالوش دخل بالقصة وان الاطراف الموجوده بالقصه هما متعب ونادر وستاندر
نادر بيقول هنحاول نرجعه ستاندر يااما هيبقى باقى ومجدى سأله هيبقى باقى
ازاى 6 شهور نادر قاله ان استحاله يقعد 6 شهور بدون كورة وان المشاكل
المفروض هتتحل واحده واحده

نادر شوقى لما مجدى عبد الغنى قاله متعب رجع ليه او مش عاوز يكمل عقده ليه قاله مينفعش اقول عشان انا لازم احافظ على عماد !!!!!!!

وقاله مش كل حاجه ينفع تتقال ولما مجدى عبد الغنى قاله انت كده بتفتح
المجال للاشاعات والاجتهادات وعلامات الاستفهام نادر قاله علامات
الاستفهام ديه معنديش اجابه عليها فى الوقت الحالى وانصح الاعلام انه يهتم
بالدورى الى هيبدأ يوم الخميس ويسيب موضوع متعب ده على جنب شويه ويسيبونا
نشتغل فيه عشان نحله واحده واحده

واضح ان الموضوع مكلكع

ربنا يهديه...مانتمنالوش الاذي

نادر شوقي: مسئولي ستاندر لييج إستقبلوا متعب على أفضل ما يرام، ولن
أستطيع الإدلاء بأكثر من ذلك في هذا الموضوع..لا أفضل مصلحتي على مصلحة
اللاعب.. والأفضل أن يركز الجميع في الدوري العام الذي سيبدأ يوم الخميس


قال
نادر شوقي - وكيل اللاعبين - في تصريحات لقناة مودرن سبورت، أن مسئولي
نادي ستاندر لييج البلجيكي استقبلوا اللاعب عماد متعب أفضل إستقبال،
وعاملوه بطريقة محترفة .

وأكد
نادر شوقي على إحترام المسئولين البلجيكيين لمتعب ومعاملته بقيمته العالية
التي اعتاد عليها في مصر دون التقليل منه أو من شأنه .

ورفض
نادر شوقي أن يدلي بأكثر من تلك المعلومات في هذا الشأن، فقال: "لا أستطيع
البوح بأكثر من تلك المعلومات، وأنصح الجميع بأن يركز في الدوري العام
الذي سيبدأ بعد غدًا الخميس" .

وأشار
نادر شوقي إلى أن هاتفه مفتوح دائمًا وليس مغلق كما يدعي البعض، ومصلحة
اللاعب تهمني كثيرًا ولا أفضل مصلحتي على مصلحة اللاعبين ولا أهملهم .

اركن بقه انت ومتعب

مين ده اللى يركن ....انا

نادر شوقي يا عم الحاج
بتصريحه الي فوق ده

osamahlawy wrote:نادر شوقي يا عم الحاج
بتصريحه الي فوق ده

اه بحسب

بس مجدى عبد الغنى شقلطه فى اول الحلقه

ملحقتش أشوفها من الاول

بس نادر شكله حيضيع متعب
وحينتهي نهاية بلال ومحمد فاروق

صعبان عليا...ايه التوهه دي؟

basbosa wrote:نادر بيتكلم دلوقتى على متعب بيقول ان مفيش مشاكل بين متعب وستاندر
وبيقول ان كل ده اشاعات وكلام جرايد وان صوتنا بيوصل هناك وفى اقرب وقت ممكن متعب هيرجع للنادى
متعب استأذن 48 ساعة علشان اخوه تعبان ونزل ومعرفش يسافر تانى
مجدى بيقوله انت عارف انه هيتمنع من السفر ينزل ليه
نادر بيقول الاهلى مالوش دخل بالقصة وان الاطراف الموجوده بالقصه هما متعب ونادر وستاندر
نادر بيقول هنحاول نرجعه ستاندر يااما هيبقى باقى ومجدى سأله هيبقى باقى
ازاى 6 شهور نادر قاله ان استحاله يقعد 6 شهور بدون كورة وان المشاكل
المفروض هتتحل واحده واحده

هو نادر ده بيتكلم وخلاص
منين اشاعات
ومنين في الاخر قال بنحاول نحل المشكلة !

osamahlawy wrote:ملحقتش أشوفها من الاول

بس نادر شكله حيضيع متعب
وحينتهي نهاية بلال ومحمد فاروق

الله اعلم بقى ياوس ايه الموضوع

هو اللى واضح دلوقتى موضوع اصابته وموضوع مرض اخوه ربنا يشفيه

لكن فيه حاجات تانيه فى الموضوع هتبان مع الوقت

سكوت متعب ونادر ده معناه ان فيه حاجه

نادر شوقي للإعلام :خليكوا في الدوري .. وإنسوا عماد متعب شويه!


طالب نادر شوقي وكيل أعمال اللاعب
عماد متعب الإعلام المصري أن يترك قضية المهاجم المصري مع ناديه البلجيكي لأطرافها
وأن يوجه تركيزه للدوري المصري الذي سيبدأ خلال أيام.

وأضاف شوقي خلال تصريحات تلفزيونية مع مجدى عبد الغنى أن
الإعلام زاد من حجم الأحداث بين متعب وستاندرد ليج ونفى وجود اي مشاكل بين اللاعب وبين
ناديه.

وأكد أن اللاعب استأذن للسفر لمدة (48
ساعة) من المدير الفني لستاندرد ليج ولكن اللاعب واجه مشاكل مع التجنيد عند محاولته
السفر لبلجيكا.

وأشارت التقارير الإخبارية الى أن قيام
متعب بسحب أوراقه من الجامعة المصرية الملتحق بها .. جعل اللاعب مطلوباً للتجنيد
ليمنع من العودة مرة أخرى لبلجيكا.

ورفض نادر شوقي الكشف عن المحاولات
التي سيجريها لحل المشكلة مكتفياً بالقول : " سنحاول العمل على حل مشكلة السفر
وأن يعود اللاعب لستاندرد ليج وإذا لم نستطع حل المشكلة سيبقى متعب في القاهرة".

الجدير بالذكر أن اللاعب في حال
بقائه في مصر سيظل بدون نادي يلعب له حتى يناير القادم .. وذلك لحين فتح باب القيد في
فترة الانتقالات الشتوية.