عمـاد متعــب

الادارة ملهاش دعوة
ماهو باع النادي ومرضيش يجدد واتهرب من المسئولين عشان يحترف

ولما احترف باع النادي البلجيكي

لاعب عيل

احنا نقفل التوبيك لغاية يناير الجاى

وائل جمعه بيقول مع احترامى لكل المهاجمين الموجودين احنا خسرنا متعب
واتمنى انه لو لم يوفق مع ناديه البلجيكى يرجع الاهلى لاننا محتاجينه
وغيابه مؤثر لان لسه المهاجمين اللى موجودين مخدوش ثقه الجمهور زى متعب
وفلافيو

توبيك مين اللى يتقفل ..ده انا ابطح نفسى عليكم

بس ايه رأيك فى التوقيع الجديد يا اوس

اللى مخلينى شاكك فى موضوع ان الاداره ورا الموضوع ان محمد عبد الوهاب لما
كان مع الغندور قاله ان متعب هيبقى مطلوب للتجنيد فى فبراير وهيبقى مضطر
يكمل عقده لحد فبراير ...طيب اوى عبد الوهاب ده وهيودينا فى داهيه ...زى
الخطيب اللى طلع قال انه عنده مشكله فى الجيش كده ...ما شاء الله مسئولين
الاهلى بقوا بركه ومكشوف عنهم الحجاب

فممكن اوى يكون الفيلم اللى عامله متعب ده بالاتفاق مع الاداره وتلاقيه كام يوم وهيرجع بلجيكا يكمل عقده لحد يناير ويفسخه بعد كده

بس الفيلم بقى هيبقى احلى لما واحد ابن حلال يروح يفطم بتوع ستاندرليياج
فيعندوا معاه وساعتها الاداره هتقوله اخلع من نافوخنا يا متعب ويدوله
الصابونه وساعتها بقى متعب هيبقى بطل فيلم جعلونى مجرما

مصلحة الاهلي دلوقتي ان متعب يلعب في بلجيكا لو حيرجع في يناير
مش يقعد في بيتهم 6 شهور بدون كرة

طب ما انا بقولك اهو

شكل الفاكس اللى هو بعتهلهم النهارده بيقول انه ممكن يلعب لحد يناير

معتقدش انهم حيوافقوا في بلجيكا

منين إصابة ومنين عاوز يلعب


ياريت يشتكوه في الفيفا

لا ممكن يوافقوا على فكره عشان هما النهارده اتعاقدوا مع مهاجم جديد

واختتم
البدرى تصريحاته معلقاً على أنباء فسخ عقد عماد متعب مع ستاندرليج البلجيكى
قائلاً:"باب الأهلى مفتوح لمتعب فى أى وقت."

هو مش كانوا قبل كده بيقفلوا الباب ويدوهم المفتاح ...دلوقتى الباب بقى مفتوح ويدخل على طول كده

خاص- بطحة الظهر وراء فسخ عقد متعب



كتب :
أحمد الخولى






علم
GoalFmRadio.com أن السبب الحقيقى وراء رغبة المهاجم الدولى عماد متعب فى فسخ عقده
مع ستاندرليج البلجيكى هو إصابته ببطحة فى الظهر.

جاء
ذلك بعد أن أكد له الخبير الألمانى عدم قدرته على العودة إلى المستطيل الأخضر قبل
شهر أكتوبر المقبل وأنه من الخطورة الدفع به فى أى مباراة قبل هذا التاريخ وإلا
فأنه ستحدث له انتكاسة صحية كبيرة.

وأطلع
متعب مسئولى ستاندرليج على مشكلته إلا أنهم اصروا على الإعتماد عليه فما كان منه
إلا أن طلب العودة إلى مصر لإنهاء بعد المتعلقات، وفور وصوله اجتمع بأفراد أسرته
وأطلعهم على الموقف فكان من رأيهم أن يحافظ على نفسه.

وبالفعل
بدأ اللاعب فى البحث عن حجة حتى هداه تفكيره لمشكلة أوراق الجامعة واحتمالات فصله
منها، وبدأ يراوغ مسئولى النادى البلجيكى من هذه النقطة.

وقرر
متعب بدء مرحلة تأهيل فنى من شهر أكتوبر وحتى موعد الإنتقالات الشتوية، ووقتها
سيدرس العودة للأهلى أو البحث عن عروض احتراف خليجية أو أوروبية.

أما
مسألة فسخ عقده مع ستاندرليج فقد أكد اللاعب للمقربين منه انه حتى الآن لم يحصل
على مليم واحد من النادى البلجيكى كما أنه يعتمد على وكيله نادر شوقى لإنهاء الأمر
بصفة ودية مع النادى.

الجدير
بالذكر أن نادر شوقى كان قد أكد فى تصريح خاص لـGoalFmRadio.com أنه سيحاول
إنهاء علاقة متعب بالنادى البلجيكى بأقل خسائر ممكنة للاعب.

وقرر
متعب بدء مرحلة تأهيل فنى من شهر أكتوبر وحتى موعد الإنتقالات الشتوية، ووقتها
سيدرس العودة للأهلى أو البحث عن عروض احتراف خليجية أو أوروبية.

وحياه ماما

هو يعنى ايه بطحه فى الضهر

هو الواد ده مبطوح على طول كده ...ساعه اصابه ركبته اتأخر شهرين فى العوده للملاعب عشان بطحه فى الركبه والمره ديه هيقعد ليناير عشان بطحه فى الضهر ؟

طب بطحه الركبه وكانت مفهومه عشان اللعبه اللى اتصاب فيها كان فيها احتكاك شديد وركبته خبطت جامد فى المدافع

لكن بطحه الضهر ديه يعنى ايه ؟

ضهره اتبطح ازاى يعنى ؟

كل علقه موت مثلا ؟

يا اوس ما انا قولتلك انه عنده عيب خلقى فى الضهر

موضوع الاصابه ده حقيقى ومفروغ منه ومن اكتر من مصدر

ما هو كمان مش اهبل وعبيط انه يفسخ عقده ويقعد من غير لعب لحد يناير الا لو كان عنده اصابه فعلا

هو فعلا مصاب وربنا يشفيه ...لكن المصلحه بقى انه كان يلتزم بعقده لحد يناير وكان يرفض اللعب ويقدملهم التقارير الطبيه وخلاص

شكلك حتروح للمحكمة الرياضاية يا توتا

ممكن على فكره يروح الخليج فعلا

هو هيرجع يلعب فى اكتوبر والدورى فى السعوديه بيبدأ فى سبتمبر

ممكن يروح يلعب الموسم ده فى السعوديه عشان موضوع القيد

مش مستبعدها

ممكن يروح مع جوزيه فى الاتى

بصراحة من بعد قصة متعب قاعد لا متعب هيحترف

و الكلام الكتير ده

ما بقتش اصدق اي حاجة تتقال عن متعب

بس الكلام الوقتى ان متعب مش عايز يكمل و مش عايز يرجع

و اللى قدرت افهمه من كمية المواضيع الكتيرة

ان متعب عنده اصابة فى الظهر

تحتاج الى الراحة و التاهيل حتى اكتوبر القادم و ممكن اكتر

و النادى بيضغط عليه علشان يشارك

و انهم شاريينه علشان يتاجروا بيه و يبيعوه

يعنى اصابته واقفة عليهم بخسارة و مش هيستحملوه اللى انا شايفه ان متعب مش غلطان فى موقفه

غلطة متعب الوحيدة انه افتكر ان اي حاجة برة مصر اسمها احتراف

و نسي ان نادى زي الاهلى لو اتحط فى ميزان جنب تلت تربع اندية بلجيكا ميزان الاهلى هيطب

و الناس دي لا بيطبقوا احتراف و لا يعرفوا حاجة عنه

دول عبارة عن سماسرة

بيجيبوا بضاعة يعرضوها علشان الزباين

لكن انهم بيدوروا على بطولة او مجد اروبى او ما شابه طبعا ده كله كلام ما بيحصلش

و زي ما سيون تخلى عن الحضرى لما ما جالوش زبون مريش

بردو ستاندر ليج

لا يهمه متعب و لا اصابته

هو عايز لاعب يعرضه فى الفاترينة و يجيبله زباين مريشين

يمكن دى حاجة كانت تبقى كويسة لمتعب من 4 او 5 سنين

لكن متعب الوقتى محتاج فريق بطولة

فريق يعتبره لاعب و ثروة يحافظ عليها من اجل مصلحة الفريق و تحقيق البطولات

نادى زي الاهلى كده

لذلك فمتعب الان ليس مخطئ

الراجل شايف انه يخلص نفسه بدرى بدرى و يستحمل نتيجة خطاه الاول و قراره غير الموفق

و يريح من الكورة نص موسم يتعالج فيه كويس

و يرجع تانى زي ما كان

بدل ما يقعد سنة و لا سنتين و يرجع تايه و مش لاقى نادى يلعب فيه

و لا يهمنى راي سماسرة بلجيكا

لانهم ليسوا محترفين و لا يعلمون شيئا عن الاحتراف هم مجرد سماسرة

انما انت اخطات يا متعب من الاول لما سبت الدهب و جريت ورا التراب

[b][b]اتخنقت .. وطلعت كنت بضيع وقت...كان حلم وهمى وانا صدقت

. للاسف صدقت....اتخنقت .. كان حلم بيموتنى ببطء

خلانى فقدت النطق .. احبطت واتخبطت

انا موصلتش لحاجة من اللى حلمت بيه.

سوء اختيار دة ولا سذاجة ولا ايه

رجعت للصفر من مكان ما بدأت
[b][/b][/b][/b]

[b][b][b][b]

ايه كمية الاحباط دي؟
[/b][/b][/b][/b]

ايه كمية الاحباط دي؟

مش ده الواقع