فيديو حلقه الدكتور احمد زويل فى ضيافه منى الشاذلى ومحمود سعد

باتعقد لما باسمعه بيقول عاوز اعمل كذا وكذا وكذا والدولة مش معبرانى باتنرفز


مش متفرج على البرنامج : ((

دى حاجه تشل مره كان فى ندوه وبيقول اسباب التفوق فبيقول فى امريكا اول ماراح جاله دعوه يحضر مؤتمر علمى فسألهم علشان يروح فقالهم مافيش 17 امضاء وموافقات والكلام ده يعنى فى مصر لو عايز يحضر مؤتمر كان لازم ياخد 17 موافقه يلف على 17 مدير

والله عيب
مصري يبقي مبعوث لامريكا

الجزء الاول
http://www.teka-anas3.mediakora.com/Tv%20Prog/10%20Oclock/2010/Feb/2/1-MediaKora.com_teka_anas.wmv

الجزء الثانى
http://www.teka-anas3.mediakora.com/Tv%20Prog/10%20Oclock/2010/Feb/2/2-MediaKora.com_teka_anas.wmv

امسية دكتور احمد زويل محمود سعد ومني الشاذلي …
بالفيديو والصور


أثارت الحلقة التى أنتجها تلفزيون “دريم” واستضاف فيها العالم الكبير
دكتور أحمد زويل تحت اسم “العالم 2010″، اهتمام الجمهور، أما عن كواليس
وأسرار الحلقة كالتالى:

قبل بداية الحلقة بدقائق دارت مناقشة كبيرة بين الدكتور أحمد زويل
ومقدمى الحلقة محمود سعد ومنى الشاذلى، على المحاور التى سيدور حولها
الحوار، والمناقشة تعلقت بتحفظ زويل على الخوض فى مسألة كونه مبعوثا من
الرئيس الأمريكى أوباما للشرق الأوسط، وطلب أن يكون الموضوع متعلقا بسؤال
واحد فقط ويجيب عليه مرة واحدة ولا يعاد مرة أخرى، وبرر زويل موقفه
بالالتباس لدى الإعلام المصرى بهذا الشأن، حتى لا يفهم المشاهد أن زويل جاء
لتنفيذ هدف أمريكى بعيدا عن هدف زويل الأساسى، وهو تنفيذ المشروع القومى
المصرى العلمى.



كما شهدت الكواليس حضور أسامة عز الدين رئيس مجلس إدارة قنوات دريم
ودكتور محمد خضر مدير قنوات دريم والإعلامى أحمد المسلمانى الذى شارك زويل
فى تحديد محاور الحلقة، وأثناء التقاط الصور التذكارية طلب زويل من سعد
عزومة على “أكلة كباب” فى الحسين.

كما علم اليوم السابع أن محمود سعد ظهر فى الحلقة بعد حصوله على موافقة
من شركة صوت القاهرة المتعاقد معها سعد للظهور حصريا، وتأتى مشاركة سعد فى
تقديم الحلقة بناء على طلب من زويل شخصيا، الذى طلب محمود سعد بالاسم.

يذكر أيضا أن سبب ظهور دكتور أحمد زويل حصريا على قناة دريم هى علاقة
الصداقة القديمة التى تربطه بأحمد بهجت مالك قنوات دريم وأسامة عز الدين،
وبعد انتهاء الحلقة اتجه زويل مع المسلمانى لتناول العشاء داخل فندق
الفورسيزون.

لا حول والا قوة الا بالله
مبعوث من الرئيس الامريكى

eman wrote:لا حول والا قوة الا بالله
مبعوث من الرئيس الامريكى

يا حاجه اسمعى الحوار
هو احنا ليه بنحب نحكم على الاشياء قبل ما نشوفها !!

انا مش عارفه اشوفها اصل حازم منبه عليا محملش حاجه من النت بيقولى بيبقى عليها فيروسات
بيقولى محملش الا من مواقع عليها برامج حمايه
هوه هنا مفيش برنامج حمايه صح

bibo010 wrote:

eman wrote:لا حول والا قوة الا بالله
مبعوث من الرئيس الامريكى

يا حاجه اسمعى الحوار
هو احنا ليه بنحب نحكم على الاشياء قبل ما نشوفها !!

يا بيبو انا من اللى قريته بس مش حينفع انزل الفيديو
بس انا بقول كده مش عشان زعلانه من زويل انا عارفه انه بيحب بلده بس من حال مصر و انها مش بتعرف تستفيد من علماءها مش اكتر و ان غيرنا بيستفيد من خيره بلدنا
هوه من اللى قريته و انت حاطه انه مكنش عايز حد يعلق على نقطه انه مبعوث من الرئيس الامريكى

eman wrote:

bibo010 wrote:

eman wrote:لا حول والا قوة الا بالله
مبعوث من الرئيس الامريكى

يا حاجه اسمعى الحوار
هو احنا ليه بنحب نحكم على الاشياء قبل ما نشوفها !!

يا بيبو انا من اللى قريته بس مش حينفع انزل الفيديو
بس انا بقول كده مش عشان زعلانه من زويل انا عارفه انه بيحب بلده بس من حال مصر و انها مش بتعرف تستفيد من علماءها مش اكتر و ان غيرنا بيستفيد من خيره بلدنا
هوه من اللى قريته و انت حاطه انه مكنش عايز حد يعلق على نقطه انه مبعوث من الرئيس الامريكى

اولا هو مكانش عايز يتكلم فى الموضوع ده علشان الناس ميحصلش عندها خلط بين الامور وتفتكر انه جاى ينفذ مشروع امريكى
لكن طبعا محمود ومنى سألوا
ده جزء مهم من الحلقه
المشكله فى المشروع مش فى الفلوس لانه هو قال انه ضامن الناس اللى
هتدفع
انا كنت هتشل لما سمعت ان صاحب شركه انتل العالميه كان هيصرف على
المشروع لولا التدخلات الحكوميه
كل اللى طالبه دكتور زويل انه يعمل نظام زى امريكا مافيش حاجه اسمها
اقدميه وان الاقدم يترقى لانه الدور عليه
زويل عايز يخرج بره القانون العقيم
ويعمل قانون زى اللى فى امريكا
المشكله مش مشكله فلوس زى ماهو قال خايف بعد ما الناس تدفع الفلوس
للمشروع نبص نلاقيها طارت ومنعرفش ده اتصرف فين
وازاى دكتور زويل قال عايز اللى يحكم الموضوع كشف خدنا فلوس قد كده وصرفنا قد كده ويبقى فى رقابه
مش نسيب الموضوع للناس اياهم اللى يسرقوا اى حاجه
بلال فضل لخص كل حاجه لما قال مشكله احمد زويل والمشروع ده ان الحكومه
المصريه كانت خايفه انه ينزل الانتخابات فى يوم من الايام
وانا شايف كده من زمان وكان نفسى زويل ينفى الكلام ده من كذا سنه

osamahlawy wrote:كانت حلقة حلوة قوي

eman wrote:انا مش عارفه اشوفها اصل حازم منبه عليا محملش حاجه من النت بيقولى بيبقى عليها فيروسات
بيقولى محملش الا من مواقع عليها برامج حمايه
هوه هنا مفيش برنامج حمايه صح

ده الجزء الاول على اليوتيوب بعد ما يخلص تقدرى تشوفى الاجزاء العشره

تسلم يا بيبو والله كلك زوق

الله يسلمك

حلقه روعه
مني الشاذلي ذكيه جدا
محمود سعد مالوش فيها