عمـــ(2)ـــاد متعــب : الزمالك يفاوضه

مبروك الهدفين
بس الحلو مايكملش

حرام حرام حرام لاعيبه زى متعب وبركات واحمد حسن تلعب مع دفاع قذر وحارس مرمى خرم ومدرب فاشل كده

بيعملوا اللى عليهم ويجيبولنا الماتش وفى الاخر حته مدافع غبى وحارس ومدرب فاشلين يضيعوا مجهودهم

وربنا انا لو من ال3 دول بالذات النهارده كنت خرجت ضربت بقيت اللاعيبه بالجزمه

دلوقتى حالا على مودرن شلبي بيسأل جعفر انت حسيت بايه بعد خروج متعب ؟
فاروق جعفر و بالحرف ,, تغييرات الاهلى ريحتني .. عماد متعب كان موقف
معاه 3 مدافعين مبيتحركوش و سيد معوض كان قافل على هنداوى و مبيخليهوش
يتقدم و شكري كان هادد حيل لعيبة الارتكاز و بعد خروجهم دفاعى ارتاح

yulanda wrote:حرام حرام حرام لاعيبه زى متعب وبركات واحمد حسن تلعب مع دفاع قذر وحارس مرمى خرم ومدرب فاشل كده

بيعملوا اللى عليهم ويجيبولنا الماتش وفى الاخر حته مدافع غبى وحارس ومدرب فاشلين يضيعوا مجهودهم

وربنا انا لو من ال3 دول بالذات النهارده كنت خرجت ضربت بقيت اللاعيبه بالجزمه

احمد حسن كان زي الزفت النهارده

mady00 wrote:

yulanda wrote:حرام حرام حرام لاعيبه زى متعب وبركات واحمد حسن تلعب مع دفاع قذر وحارس مرمى خرم ومدرب فاشل كده

بيعملوا اللى عليهم ويجيبولنا الماتش وفى الاخر حته مدافع غبى وحارس ومدرب فاشلين يضيعوا مجهودهم

وربنا انا لو من ال3 دول بالذات النهارده كنت خرجت ضربت بقيت اللاعيبه بالجزمه

احمد حسن كان زي الزفت النهارده

ومين السبب فى الجونين بتوع متعب اصلا ؟

مش احمد حسن ؟

احمد حسن مكانش وحش خالص النهارده بالعكس كان بيحاول

نجوم المباره بركات ثم متعب ثم احمد حسن والباقى كلهم سيس

لا بركات ثم متعب بس
ومن بعيد لبعيد ناس تانيه
انما احمد كان في اسؤ حالاته.....الجون التاني فضيحه لاحمد

متعب : إهدار الفرص كلفنا ضياع النقاط وفرطنا فى الفوز رغم المساحات الغير معتادة !

2010/02/23 23:02


















أكد
عماد متعب مهاجم فريق الأهلى أن إهدار الفرص السهلة أمام فريق الجيش فى
المواجهة التى جمعت الفريقين فى المرحلة الـ18 من بطولة الدورى كلف الفريق
الأهلاوى ضياع نقاط سهلة كانت فى متناوله فى ظل سعى الفريق نحو لقب بطولة
الدورى .



و
قال عماد متعب فى تصريحات تلفزيونية عقب نهاية المباراة " شعرنا خلال
المباراة أننا الأفضل داخل الملعب وأتيحت لنا العديد من الفرص والكثير من
المساحات على غير العادة خلال مباريات طلائع الجيش ولكن إهدار الكثير من الفرص التى اتيحت لنا كلفنا ضياع نقاط المباراة "



وعن
الهدف الأول الذى أحرزه فى مباراة اليوم قال متعب " عمدت أن ألعب الكرة
بهذه الطريقة فى الزاوية البعيدة ولكننى شعرت أن الكرة ستمر بجوار القائم
خارج الملعب ولكن التوفيق جعلها تستقر داخل شباك الجيش " .



وحول
تمريره الكرة إلى احمد حسن رغم انفراده بمرمى الجيش فى الهدف الثانى قال
مهاجم الأهلى " قمت بتمرير الكرة إلى أحمد حسن لكى يحرز هدفا لأنه فى موقع
أفضل و دون ضغوط من لاعبى الجيش وبعدها توقعت أن تعود الكرة مجددا من
مدافعى الجيش وبالفعل تحقق هذا التوقع بفضل توفيق كبير من الله ونجحت فى
احراز الهدف " .



وعن
حالة تريكة قال متعب " دخل تريكة مباراة اليوم ولديه فرصة كبيرة للحاق
بمباراة انجلترا خاصة ان التجمع سيكون أحد يومى الخميس أو الجمعة القادمين
" .


يذكر
أن عماد متعب مهاجم الأهلى أحرز هدفين لفريقه فى مواجهة طلائع الجيش فى
المرحلة التاسعة عشرة من بطولة الدورى الممتاز المصرى فى المباراة التى
انتهت بالتعادل بهدفين لكل فريق .

برغم انك جبت جونين
بس كان عندك احسن

mady00 wrote:برغم انك جبت جونين
بس كان عندك احسن

مجتلوش ولا كوره فى الشوط التانى يا مادى عشان كده اداءه قل

وهو كمان كان هنج الشوط التاني
ولو انه مكانش يتغير برضه

حسبي الله ونعم الوكيل

انت جاى تحسبن على اللى عمل اللى عليه اوس

أنا يحسبن على الي غيره

osamahlawy wrote:أنا يحسبن على الي غيره

طب ابقى وضح وانت بتحسبن بعد كده

ربنا ينتقم منه

تسلل واضح فعلا

الحكام معانا ومش عارفين نفوز

الكوره مش تسلل خالص

لو حد شاف عبد الستار على او تابع مودرن كان عرف انها مش تسلل فعلا

متعب كان تسلل لما الكوره طلعت من رجل احمد حسن لكن لما راحت للاعب الطلائع وحاول يطلعها وقلشت منه مكانتش تسلل فتعتبر لعبه جديده

والمدافع نفسه اتصل على مودرن وقال انا كنت قاصد اطلعها وقلشت يعنى مخبطتش فيه

لو خبطت فيه غصب عنه تبقى تسلل لكن لو هو حاول يطلعها وفشل تبقى مش تسلل وهو حاول يطلعها مش خبطت فيه

لا ده عبط الي بيقولوه ده

مفيش حاجة اسمها لعبة جديدة

لقيعي يضع فاروق في مأزق على الهواء : كفاية استفزاز للجمهور ونريد خبير في التحكيم


أحرج
المهندس عدلى القيعى مدير التسويق بالأهلى الكابتن هيثم فاروق محلل
التحكيم فى قناة مودرن الفضائية بعدما شرع الأخير بالتشبث برأيه فى عدم
صحة هدف الأهلى الثانى بداعى تسلل متعب حتى بعدما أكد لاعب طلائع الجيش
صحة الهدف وأنه كان يقصد إيقاف الكرة قبل تشتيتها قبل أن تصل إلى عماد
متعب الذى أحرز الهدف .



وقام
القيعى بعمل مداخلة هاتفية لبرنامج " ستاد مصر " موجها كلامه إلى هيثم
فاروق قائلا " دائما ما يركز الكابتن هيثم على الحالات التى لا ينبغى أن
يستفيد منها الأهلى فاللاعب حاول أن يشتت الكرة قبل عماد متعب لتصبح لعبة
جديدة ويصبح الهدف سليم تماما وهو ما قاله لاعب الجيش صراحة ، مؤكدا أن
الهدف صحيح تماما " .



وأضاف
القيعى " الجمهور لديه حالات كثيرة من الجدل والاستفزاز ، وليس من الجيد
أن يقول الكابتن هيثم تقديره ويتشبث برأيه حتى بعدما أكد لاعب الطلائع صحة
الهدف بعدما قال أنه كان يهدف إلى إستلام الكرة قبل أن يبعدها " .



وتسائل
مدير التسويق بالأهلى قائلا " أصيب مرمى الأهلى بهدف من تسلل واضح أمام
حرس الحدود وأضاع على الأهلى نقطتين دون وجه حق وهناك من يقول يجب ألا
يحتج فريق الأهلى " .



وأحرج
القيعى هيثم فاروق على الهواء موجها له سؤال قائلا " لو أمسك حارس المرمى
الكرة وهيأها على الأرض فخطفها أحد لاعبى الفرق الأخرى القادم من خلف ظهر
الحارس . هل تحتسب هدف أم لا ؟ " .



فما كان من " المحلل التحكيمى " هيثم فاروق إلا أن قال " تحتسب اللعبة تسلل فى حال عدم وجود مدافعين خلف حارس المرمى !! " .



وهو
الأمر الذى دفع القيعى إلى مطالبة الكابتن مدحت شلبى باللجوء إلى أحد
خبراء التحكيم لأخذ آرائه بعدما وضح عدم صحة جواب هيثم فاروق الذى يقوم
بتحليل أداء التحكيم فى القناة الرياضية .



و
بعدها هاجم هيثم فاروق القيعى بشدة قائلا " الكابتن القيعى من الشخصيات
الرائعة المحببة إلى قلبى ولكنه منفعل بعد تعادل الأهلى فى مباراة اليوم ،
وأنا لا أتدخل فى عمل الأخرين كما أحب ألا يتدخل أحد فى عملى لذلك فأنا لا
أتدخل فى عمل المهندس عدلى ولا أحب أن يتدخل هو فى عملى " .



وطالت
انتقادات فاروق محمد نصر مخرج البرنامج بعدما قال " محمد نصر كتب على
الشاشة أن هدف الأهلى الثانى صحيح بنسبة 100 % وهذا لأنه يريد ذلك وليس
طبقا لأرائنا " .



و
أختتم قائلا " أطالب رؤوساء تحرير البرنامج بعدم عمل مداخلات لبعض الأشخاص
الذين لا يفهمون فى الأمور التحكيمية على أن تقتصر فقط على خبراء التحكيم
المتخصصين !! " .



و
من ناحية أخرى حول ضم الأهلى لجمال حمزة مهاجم الجونة قال القيعى " الجهاز
الفنى يريد ضم اللاعب ونحن فى طريقنا لضمه سوف نحصل على موافقة الجونة على
الرغم أن اللاعب مرتبط بتعاقد مع النادى يمتد لنهاية الموسم فقط .

القيعى ظبطوا بصراحه

كل اللى فى الاستوديو قالوا لعبه جديده ومش تسلل وهو الوحيد اللى مصر انها خبطت فى المدافع مش حاول يطلعها

osamahlawy wrote:لا ده عبط الي بيقولوه ده

مفيش حاجة اسمها لعبة جديدة

لا يا اوس

افتكر الجون اللى جابه باتو فى الاهلى فى كاس العالم للانديه لما حسن مصطفى حاول يبعد الكوره وراحتله

الكوره مش تسلل خالص

مدافع الطلائع كان بيطلع الكوره وقلشت مش احمد حسن اللى خبطها فيه

الهدف تسلل واضح
لعبة جديدة إيه بس
هو متعب جاي من على بعد كيلو
ولا لعب الكرة بعدها بنص ساعة

لعبة جديدة إيه بس
خلونا في خيبتنا والمدير
الفني الفاشل بتاعنا

بلا قرف

يعني مش تسلل اهه

حتي الجون باصينلك فيه يافقر