ممدوح فرج :ينفى تعرضه للضرب .. رئيس رابطه محبيه يقول الكلاب تعوى والقافله تسير

eman wrote:فظييييييييييييييييييييييييييييييييع ...... مريييييييييييييييييييييييييييييع
بس شكل اسامة بيحبه يا بيبو

اذا كنتم تكرهون ممدوح فرج مثلى فخشوا اقروا واضحكوا وادعوا لى








بسم الله الرحمن الرحيم

بمناسبه كرهى الشديد لهذا الرجل ممدوح فرج بسبب ركاكه وضعف تعليقه الشديد
جدا وجهله الجامد بما يجرى من احداث حوله وهو فى الطراوه -على فكره انا
بشوفه بالصدفه- بالاضافه للاعلانات العقيمه والمكالمات الرزيله والطفوليه
من المشاهدين اللى فاكرين المصارعه دى بجد والافلام دى بحق وحقيق
واخر مثال لذلك فى حلقه الخميس 18/11/2005 اثناء ماتش جاريرو اللى مات
بالسلامه وتربل اتش حينما دخل باتيستا وفلير وحينها قال الخبير ممدوح فرج
بذكاء يحسد عليه
(ياه لسه برضه بيحبوا الراجل ده!!!)
يا اخ ممدوح اصحى بقى وفوق ده ماتش قدييييييييييم
المهم نخش فى الموضوع وموضوعى هى مقاله قريتها فى جريده الدستور الاربعاء
16/11/2205 صفحه21
وضحكتنى قوى لانها بتتريق عليه باسلوب ظريف جدا نخش بقى فى المقاله


مصارعه المنحرفين كابتن منفوخ يقدم لكم مباراه الموسم..
حيث الدم والضرب والجنازير
متعه!!!

الحلقه تبدا بالمقدم الهمام المنفوخ((مصارع سابق))وهو يبتسم بالنضاره
اياها بتاعت كل مره وخلفه صور له وهو ايام شبابه الغض وهو يجندل ويشندل
ابطال العالم فى المصارعه(صوره وهو بيضرب بس مش وهوا بينضرب ) وقدامه طبعا
الحزام منفوخ زيه برضه
يبتسم الكابتن منفوخ قائلا وهو بيعدل النضاره الروشه
- مساء الخير واهلا بيكم فى برنامجكم المفضل مصارعه المنحرفين النهارده
معانا حلقه طحن كلها دم وانحراف وضرب وكهربا وجنازير انا جبت لكم شريط
اخرمباراه لكين مع اخوه الحانوتى بعد ماتعاركو مع بعض لما ابو كين طلق ام
الحانوتى وطبعا الحانوتى ماعجبوش رميه امه فى الشارع فقرر يرد شرف امه على
الحلبه ويضرب كين بعد ماخلع القناع زى تينا بتاعت جاد شويرى
يقاطعه صوت التليفون فيرد كابتن منفوخ:
- ومعاااايا احمد من القاهره .. ازيك يابو حميد عامل ايه؟
- المشاهد ازيك انت ياكبتن منفوخ والنبى ياكابتن انا عايز اسال سوؤال
محيرنى هو صحيح ((ريتا)) فرقعت ((ستراب الاتش)) وماشيه اليومين دول مع ابن
المشمومه ده اللى اسمه(( الروك))؟؟
وصحيح ان ستراب الاتش ظبطتهم نايمين فوق بعض وللا ايه؟؟ والنبى ياكابتن
تجاوب على سؤالى اصل انا مش عارف انام الليل بسبب الموضوع ده!!
- كابتن منفوخ: بص يابو حميد هو انا لما كلمت الروك فى الموضوع ده
قاللى ان الموضوع اتفهم غلط لان ستراب الاتش لما دخل عليهم ولقاهم نايمين
فوق بعض ماكنوش بيعملوا حاجه وحشه لا سمح الله ده كان(( الروك)) ساعتها
عامل حركه دى دى تى من ورا ل ((ريتا)) وعلى خوانه والله ياجماعه ..
لكن ستراب الاتش فهم الموضوع غلط وافتكر انهم ((استغفر الله العظيم))
ولما ريتا عرفت انه بيشك فيها كرامتها(( نقحت ))عليها وقررت تسيبه لانها
مابتحبش حد يخونها او يشك فى سلوكها وعفتها لا سمح الله.. وبعدين يابو
حميد دى اعراض ناس واحنا مابنحبش نجيب فى سيره الناس وهما مش موجودين..
عيب عليك ياخى دول ولايا برضه.. وربنا امر بالستر..
- شكرا ياكابتن
- مع السلامه يابو حميد ونرجع تانى للماتش اللى معانا بتاع كين
والحانوتى ونقول ان ...
يقا طعه صوت تليفون فيرد :
- ومعااانا الحاجه(( بخاطرها)) من العباسيه ازيك ياحاجه
- ازيك ياكابتن منفوخ .. والله احنا بنحبك قوى قوى ياكابتن وبنحب
نشوفك منور الشاشه كده على طول وبنحب قوى الافلام الهندى اللى بتعرضها لنا
فى برنامجك ده
- ربنا يخليكى ياحاجه
- معايا ابن بنت بنتى اسمه ((شمشون)) وهو بيحبك قوى ياكابتن وعايز
يكلمك
شمشون ياخد دوره
-والنبى ياكابتن انا عايز اشوف الماتش بتاع(( البيج شوز)) لما ضرب
((كيرت انجل)) بالكرسى وكهربه وسيح دم اللى جابوه على الحلبه اصلى متغاظ
قوى من كيرت انجل ده اللى مستصيع نفسه وشايف نفسه على الحلبه!
- عينيه ليك يابو حميد
-اسمى شمشون ياكابتن وفى كى جى وان
- مع السلامه يابو حميد ونرجع تانى للماتش بتاع كين واخوه.....
يقاطعه صوت التليفون فيرد:
ومعانا الحج درديرى ابو باتيستا من الصعيد الجوانى.. ازيك يابو حميد!!!
- والنبى يااستاذ ملووح كنت عايز اسالك سؤال ربنا مايوقعك فى ضيقه ياخال
الواد ((هوجان)) ولد اختى البعيده الهى مايشوف يوم عدل فى حياته السوده
قرا لى فى الجرنان ان(( باتيستا ))طلع اصلا من الصعيد وان اصل ابوه من
عيله(( العجاينه)) اللى حدانا فى البلد واحنا كنا فاكرينه من العيله
بتاعتنا ودلوقتى فى مشكله مولعه عندينا فى البلد.. ورجاله العيلتين نازلين
فى بعض ((مانشيتات)) و((سوبليكسات)) و ((دىدىتى)) طول النهار وماحدش عارف
يلمهم.. وامبارح الواد(( عوضين )) اللى من عيله العجاينه هددنى انه يعملى((
تثبيت اكتاف)) من الوضع راقدا لو ماعترفتش ان باتيستا من العيله بتاعتهم
ومش عارفين نعمل ايه دلوقتى ؟! يعنى يرضيك انى اعمل له(( فينيش كين))
واخلص منه.. وفى الاخر قلنا نستشير حضرتك .. فشور علينا ياخال ربنا ياخدك
انت والمصارعين اللى بتجيبهم لينا.
- كابتن منفوخ(( بذكاء)) : الظاهر ان فيه عطل فى التليفون وقناه الافلام
دخلت على قناه الرياضه .. وعموما انا حاتصل ببتيستا واشوف الموضوع ده ..
ومعانا تليفون تانى من(( حسونة ابو جهل)) ونقوله ازيك يابو حميد!!
- حسونه : والنبى ياكابتن فيه موضوع محيرنى..الناس بيقولوا ان الواد((
باتيستا)) اعلن اسلامه علشان لقى دراعه اليمين مكتوب عليه ((صلوا على
النبي)) والدراع التانى مكتوب عليه((حصوه فى عين اللى مايصلى على النبى))
ايه حكايه الموضوع ده ياكابتن عشان محير الناس عندنا؟
- كابتن ((منفوخ)) بزهق: ح ابقى اتصل بباتيستا ونشوف الموضوع ده مع بعض ..
مع السلامه يابو حميد.. ودلوقتى اعزائى المشاهدين استعدوا للطحن كله.. ماتش
كين والحانوتى .. كل واحد يجيب عياله وقرايبه وجيرانه عشان الكل يتفرج
ويشوف الضرب على اصوله والدم وهو بيسيح ويجرى .. بس اللى معاه مطوه ياريت
يخليها مؤقتا فى جيبه وما يطلعهاش وهوا بيتفرج.. يبقى يطلعها بعد الماتش ..
ودلوقتى..
يقاطعه جرس التليفون فيرد: ومعانا اخر تليفون قبل الماتش من الشيخ
((عبود..عبود..)) ..ازيك يابو جميد!!
- المشاهد: لو سمحت ياكابتن(( شمروخ)) هو اللى يعمل حركه ((هاف سلام)) وهو
متوضى يتنقض وضو وللا لا؟؟
- السؤال ده تساله للشيخ ((عطوه حركات )) على القناه اللى جنبنا طوالى على
ايدك الشمال ..مع 1000 سلامه ياعم الشيخ ربنا يسهلك..
يواجه المشاهدين بابتسامته قائلا:
- ودلوقتى بقى نسمع الماتش بتاع كين واخ.....
تنتقل الكاميرا الى احدى الحارات الشعبيه لنقل عركه اليوم بين ((سيد ابو
عضمه)) الشهير بكين واخوه ((حوده ترابيس)) الشهير بالحانوتى وحواليهم ناس
كتير ماسكين سواطير وسيوف وسنج وشوم فى انتظار ادوارهم والى لقاء اخر فى
حلقه جديده من برنامج ((مصارعه المنحرفين)).. منحرفين بجد يعنى ... اى
خدمه ياجدعان!!

ياسر ضاحى



وعند نقل الموضوع برجاء كتابه المصدر
وارجو من المشرف عدم حذف الموضوع لانه تعبنى فى نقله كما ان هذا المنتدى
اكثر حريه بالطبع من الدستور التى نشرت المقال وشكرا لكم
باحترام على رشاد
وياريت تكتبوا الرد
ملاحظه نحن لا نعيب فى الرجل كخلق بل كتعليق واستفزاز

اليكم بعض الردود فى هذا الموضوع

المشاركة الأصلية كتبت بواسطة sarhantamer@yahoo.com



هههههههه
انا قرأت الكلام ده من فتره فاتت بس مش فاكر فين
بس انت كاتب المصدر مش ده موضوعنا
المهم انا بشاهد وبحب المصارعه من زمان زمان اوي
اكتر من 20 سنه
وانا كل يوم خميس بتفرج على برنامج ممدوح بس من شان المباريات
يعني مرات بستحمل انه اشوفو ومرات بقلب قناه لغاية المباراه الي بعدها
شكررررررررررا الك

المشاركة الأصلية كتبت بواسطة fuy79



الراجل ده اللى اسمه ممدوح فرج اسوء
معلق رياضى فى القرن العشرين
والقرن الثلاثين ايضا
انا كنت عموت من الضحك انا واخواتى لما اقرينا الموضوع ده بجد بجد انته
تفوقت على نفسك
انا نفسى اتصل ب ممدوح فرج
واساله كام سوال
هو الاندرتكا خلى بالكو مش الاندرتيكر
الاندرتكا اخو الحاتوتى ولا ده مجرد تشابه فى الوظيفه

ومعانا اتصال من الجحش من كفر الشمام
والنبى يا كابتن ممدوح عايز ماتش ل(سحر استرتش ) مع لوليتا
حاضر السنة الجاية اخر الشهر اتفرج عليه

والنبى يا خال عايز ماتش للاندرتكا مع الحانوتى
ويرد عليه الكابتن مندوح بكل شهامه موجود ...موجود

معانا اتصال اخر من السودان من الاخ عثمان
يرد عليه الكابتن منبوح اتفضل يا بو حميد
واللهى اوزين نشوف مباراه لجاكى تشان وبروس ليه لما كانو بيلعبوا مع فان
دام وسلفستر استلامونى
ويرد عليه الكابتن ان شاء الله الاسبوع الجاى الماتش ده عيتلعب مباشر
والنبى يا كابتن امى الله يرحمها عايزه تكلمك
ويرد اتفضلى ياحاجه ام حميده
انا دلوقتى بكلمك من جوه الطربه اللى الحانوتى دفنى فيها ( الاندرتكا )
وايدى جاريرو
بعتلى مسج من الطربه اللى جامبى بيبعتلك السلام والتحية
وبيقولك سلملى على الكابتن (كريست بن وا )
فاصل اعلانى ونييييييييييرجع لبعض تانى
بجد بجد الله ينور عليك

المشاركة الأصلية كتبت بواسطة احمد وحش



المقدر الجديد برنامج ممدوح شو
برنامج ممل وسخيف ضيوفه مصارعين هايفين ده لو كانوا مصارعين وباين عليهم
بيقدموا برامج مصارعة فى بلادهم وبيعزموا الكابتن بتاعنا فى برامجهم ويهزء
وه ذى ما بيهزءهم وطبعا بيتكلمو المانى اللغة اللى ما بيعرفش غيرها
أكبر المتضررين من الكابتن ممدوح فرج هم امهات المصارعين فدائما ما يربط
بين مصارع واخر ويزعم انهم اخوات مثل بوتش ريد وفاروق ويوكوزونا وراكيشى
وكل مصارعى جزيرة السامواه وهاواى كلهم كلهم اخوات من اول ركستمبوت وسنوكا
وهونجا واوماجا
وده افتراء من الكابتن
وبعدين الكابتن امتى هيتنازل ويطلع على مواقع المصارعة يا ريت واحنا
هنساعده علشان يعرف بداية من اسماء المصارعين وكيفية نطقها ونهاية باخر
اخبارها

المشاركة الأصلية كتبت بواسطة mh_mh_119



يا جماعة ده ممدوح فرج انا عارف
تاريخه كويس
ده يا جماعة عمره ما خد حزام حتى عمره ما لعب في اتحاد
كان في اتحاد مصر بس مش بيلعب
اصلا انتو شايفين جسمه عامل ازاي ده جسم مصارع
كله ترهلات
وبعدين كل المباريات بتعته الي بيعرضها هو لعبها في مصر في الاكاديمية
كانو بيستضيفو المصارعين ويعملو سيناريو عشان
يصير مشهور وبعدين يمشي البرنامج بتاعه
واي حد عاوز حاجة عنه انا جاهز
ده واحد عملوه عشان البرنامج
عمره ما شاف مصارعين برة مصر
وبيقولك انا ابلت فلان ولا انا سالته
ده كلام فاضي
والحزام ده مش بتاعه
ولا حتى معاه القاب
بصراحة انتو مخدوعين بالراجل ده

مصارع عالمي سابق يخسر مباراة مع نجار

bibo010 wrote:

مصارع عالمي سابق يخسر مباراة مع نجار