الكومى:ص10 بالصوت .. فضيحه جديده سى دى للكومى وهو بيحفظ الشاهد يقول ايه

مين قال يا اسامه ؟؟؟

المذيعه بتقوله دى سافرت قالها انا سمعت انها مسفرتش

الكومى طالع يقول كان فيه علاقه حميمه ومش مكسوف !!!

يحيى الكومى بيقول دى مره
المذيعه بتقوله متقولش كده قالها انا قصدى بلغه العرب والبدو قالتله مالناش دعوه احنا لينا لغتنا

المذيعه عماله تقطع معاه وزتجيب مقاطع من مكالمه خلود العنزى امبارح الكومى يقولها مش عايز اسمع تقوله بس اسمع بس علشان ترد دى بتقول عليك كذاب ومعرفش ايه !!

يانهار اسود على الكساح
المذيعه بتقوله انت هتعمل ايه لو ا\خسرت القضيه قالها يبقى خلاص هعمل ايه يعنى ؟
قالتله يعنى هتعمل ايه ؟ قالها هعمل ايه يعنى قوليلى انتى انتى عايزانى اعمل ايه ؟؟؟


المذيعه منتظره منه يقول انا هقتلها ربنا يشفى

المذيعه بتقول للكومى قبل ما انهى الحلقه نسيت اسمعك حته قالتها عليك
الكومى قالها انتى عايز تنرفزينى يعنى

على راى شوبير متعرفش ابوتريكه من الخطيب

العنزى تطالب الكومى بتعويض 10 ملايين جنيه



الخميس، 14 يناير
2010 - 13:18







خلود العنزى



كتب محمود سعد الدين

var addthis_pub="tonyawad";



أقام د.سمير صبرى محامى الأميرة السعودية
خلود العنزى، دعوى قضائية ضد يحيى الكومى رجل الأعمال ورئيس مجلس إدارة
نادى الإسماعيلى الأسبق أمام محكمة جنح الجيزة يتهمه فيها بالسب والقذف.

وطالب صبرى فى دعواه بتعويض مالى قدره 10 ملايين جنيه من يحيى الكومى عن
"البلاغات الكاذبة التى تقدم بها ضد العنزى" حسبما جاء فى الدعوى.

وكان النائب العام المستشار عبد المجيد محمود قد أمر بحفظ البلاغات المقدمة
من الكومى ضد العنزى، وذلك لعدم ثبوت واقعة النصب فى عملية شراء الفيلات
بالساحل الشمالى التى ذكرها الكومى فى بلاغه وبتحقيقات النيابة، وكذلك عدم
ثبوت اتهامه لخلود العنزى بسرقة ذهب ومجوهرات تبلغ قيمتها 20 مليون جنيه.

خلود العنزى تتطالب النائب العام بإلغاء
منعها من السفر












المستشار عبد المجيد محمود النائب العام



كتب محمود سعد الدين

var addthis_pub="tonyawad";



تقدم الدكتور سمير صبرى محامى الأميرة
السعودية خلود العنزى، ببلاغ إلى النائب العام المستشار عبد المجيد محمود
يطلب فيه رفع اسم الأميرة من قوائم الترقب والوصول والسماح لها بالسفر
للخارج، وذلك بعد حفظ البلاغ المقدم من يحيى الكومى ضدها.

وكانت سلطات مطار القاهرة قد منعت مساء أمس خلود العنزى من السفر إلى
"الدمام"، رغم قرار النائب العام بحفظ جميع البلاغات المتبادلة بينها وبين
رجل الأعمال يحيى الكومى.

وأكدت مصادر بالمطار أنه رغم قرار النائب العام بحفظ البلاغات، إلا أنه لم
يصدر قرار برفع اسمها من قوائم الممنوعين من السفر.

اتهمته بتلفيق قضية المشغولات الذهبية وتدبير شهود زور


بلاغ و CD

للعنزى ضد الكومى أمام النائب العام

تقدمت الأميرة السعودية خلود العنزى ببلاغ جديد إلى النائب العام المستشار
عبد المجيد محمود ضد يحيى الكومى رجل الأعمال المصرى ورئيس مجلس إدارة نادى
الإسماعيلى الأسبق.

ذكرت العنزى فى بلاغها الذى حمل رقم 1146 لسنة 2010 أنها فوجئت بتاريخ 16
يناير الحالى بشخص يدعى أحمد م. ج ويحمل بطاقة رقم قومى 28109060101695
ويعمل نجارا ويقيم بشارع سعد خليل ببولاق الدكرور بمحافظة الجيزة يسلمها
أسطوانة CD ويخبرها أن الكومى اتصل به وعرض عليه مبلغ مالى كبير مقابل
الإدلاء بشهادة زور أمام نيابة جنوب الجيزة.

وتضمن الـCD الذى يجرى التحقيق بشأنه حوارا بين ثلاثة أشخاص وهم يحى الكومى
وأحمد م. ج ومحامى يدعى "عادل" يقوم فيه الكومى والمحامى برسم سيناريو مع
أحمد م. ج عن طبيعة الأقوال التى سيشهد بها أمام نيابة جنوب الجيزة فى
واقعة سرقة المجوهرات الذهبية من قصر الكومى، حيث يلعب الكومى والمحامى دور
وكيل النيابة، حيث يوجها لأحمد م. ج عددا من الأسئلة المتوقع أن يسأل
فيها، حسبما جاء ببلاغ العنزى، وذلك لإحكام الشهادة المزورة أمام النيابة


الحوار كاملا كما جاء فى الـCD المقدم
للنائب العام

الصوت المزعوم لأحمد م. ج : أنت بتأخدنى ليه على السخن كدا يا حاج
الصوت المزعوم لعادل: أنت كل شوية بتاخدنى على السخن وأنا بينى وبينك حاجة
الصوت المزعوم للكومى: لا ..لا إيه يا أستاذ عادل فى إيه؟
الراجل بيأخذ ويدى معاك، أنت فاكر إيه إحنا أنت مش فاهم حتعمل خدمة أنت
مفكرة أنه حينفذ ده، الراجل نقوله إزيك عامل إيه، الراجل هيعمل خدمة
الصوت المزعوم لأحمد م. ج: بالضبط
الصوت المزعوم للكومى" ارتاح ما تختفش هو قلقان
الصوت المزعوم لأحمد م. ج: ليه؟
الصوت المزعوم للكومى: قلقان ليه إحنا.. حقولك إيه؟ واحد فى الشهادة قلقان
يحصل مشاكل معرفش إيه طبعا غلبان وراجل نجار خلى دين.. عندك سنس أمال أنت
شغال إيه خايف هو خايف لازم دورنا إيه نطمنه متقلقش يا أحمد أنت بتقول إللى
شوفته هو إللى شافه إن هو جه شاف.
الصوت المزعوم لعادل: أنا بقول الراجل مش حيقول كلمتين وخلاص الراجل حيقول
سين
الصوت المزعوم للكومى: حيقول جه الساعة كام، ده إللى حيقدر يقوله ومعاه
العربية إللى هو السواق، مفيش مشكلة.
الصوت المزعوم لأحمد م. ج: حيقعدوا يروقوا المزرعة
الصوت المزعوم للكومى: قعدو يروقوا المزرعة
الصوت المزعوم لأحمد م. ج: كان فيه شنط كتير
الصوت المزعوم للكومى: وبعدين كان فيه شنط كتير
الصوت المزعوم لاحمد م. ج: هيه كانت جايبة شنط معاها وقال لعميرة روق
المزرعة
الصوت المزعوم للكومى: أنا شفت شنطتين دخلو العربية طالعين من القصر مين
إللى شايلهم؟ والله شاليهم البودى جاردات
الصوت المزعوم لأحمد م. ج: بس هى دى، بس إللى حتتقال
الصوت المزعوم للكومى: هى دى
الصوت المزعوم لعادل: فى كل الكلام
الصوت المزعوم لعادل: ملك مين الشنط إللى دخلت العربية
الصوت المزعوم للكومى : ملك المهندس يحى الكومى لأنها طالعة من بيت المهندس
يحى الكومى، أمال يعنى إيه، ليه، لأنها ملك المهندس يحى الكومى لأنها
طالعة من هناك
الصوت المزعوم لأحمد م. ج: فهمت
الصوت المزعوم لعادل: س، وهل شاهدت ما بداخل الشنط
الصوت المزعوم للكومى: لأ، هو ما شهدش إللى داخل الشنط أنا شاهدت الشنطة
الصغيرة الهاندباج فقط لأن مدام خلود ولا الست خلود كانت بتفتحها ويطلع
الصندوق منها
الصوت المزعوم لعادل: أوصافها موجودة قبل كدا الشنطة دى
الصوت المزعوم للكومى: نعم
الصوت المزعوم لاحمد م. ج : وريها لى آه، مينفعش أشوفها؟
الصوت المزعوم للكومى: ممكن تشوفها عندى، وهى نفس الأوصاف لأنه هى شنطة
قماش كحلية غامق، وقماش خفيق وفيها صندوق، والصندوق ده يا بيه ليه شفته،
لأن هى لم فتحت السوسته طلعت الصندوق ده، وأنا شفت الصندوق عبارة عن صندوق
خشبى بأدراج ده لأنى راجل نجار وفاهم، فهمته دا خشب وكده
الصوت المزعوم لاحمد م. ج: حيقولى شفت الكلام ده كله إزاى
الصوت المزعوم للكومي: والله انا كنت ماشى كده
الصوت المزعوم لاحمد م. ج: ممكن يقولى كده
الصوت المزعوم للكومى : أنا كنت فى العربية وشفت البتاع ده وأنا ماشى فى
القصر عند الباركينج
الصوت المزعوم لأحمد م. ج: وانا مستنى ناس هما كانوا بيخرجوا ويدخلوا
الصوت المزعوم للكومى: فشفت البودى جاردات بتدخل الحاجة فى العربية بعد كده
جت مدام خلود تفتح الشنطة فشفت البتاع لأن نا كنت واقف مستنى اقابل
المهندس يحى الكومى
الصوت المزعوم لعادل :إمتى الكلام ده حصل
الصوت المزعوم لأحمد م. ج: يوم الخميس
الصوت المزعوم للكومى: كان يوم الخميس بالليل
الصوت المزعوم لعادل : كان يوافق كام
الصوت المزعوم للكومى: 17 هو 17 مش فاكر بأه
الصوت المزعوم لأحمد م. ج: الساعة 3
الصوت المزعوم للكومى: صح
الصوت المزعوم لعادل " آه 3 الصبح
الصوت المزعوم لأحمد م. ج " ليه إحنا قعدنا فى كارفور بتاع ساعتين لغاية
لما هى اشترت حاجات من جوه.

الصوت المزعوم للكومى : ومشيتو 10 وهى وصلت الساعة 12 عندى
الصوت المزعوم لأحمد م. ج : ركبت هى مع الاستاذ يحى
الصوت المزعوم للكومى :هى ركبت معايا وهما جم بالعربية
الصوت المزعوم لعادل : إيه الغرض من شهادتك
الصوت المزعوم للكومي: الإدلاء بالشهادة
الصوت المزعوم لاحمد م. ج: الإدلاء بالشهادة
الصوت المزعوم للكومى: قوله أنت بتخرب بيت
الصوت المزعوم لعادل : هو إللى يقول
الصوت المزعوم للكومى يا حبيى ـنت أنصحه اعتبر ات المحامى بتاعه
الصوت المزعوم لعادل : بعد ما نسمع منه
الصوت المزعوم للكومى: انت يا بيه المحامى بتاعه اعتبره راجل جاى كده
الصوت المزعوم لعادل : بعد ما نسمع إيه
الصوت المزعوم للكومى: يخرب بيتك قولى يقول إيه
الصوت المزعوم لعادل : بعد ما نسمع منه نشوف دماغه فيها إيه غلشان الضابط
هيسأله بيخاف
الصوت المزعوم لاحمد م. ج: هو أدرى برضوا يا بيه
الصوت المزعوم للكومي: جاى يقدم شهادته
الصوت المزعوم لعادل : عايزة هو يقول علشان يبقى متجرأ على كده
الصوت المزعوم للكومي: هو عايز يمرنك أنت كدا فى التحقيق بتاع الشرطة وفيه
امين شرط وافق جنبك، او عسكرى أو مخبر
الصوت المزعوم للكومي: ما الغرض من شهادتك _ قول الحقيقية
الصوت المزعوم لاحمد م. ج: أقول الحقيقة، شفت الأستاذ يحى فى التليفزيون
كذا مرة والولية دى إللى كنت شغال معاها وكده وعرفت أنها خدت منه مبلغ كذا
وقولت بقا أروح أشوف الدنيا فيها إيه
الصوت المزعوم لعادل : هتقول الدنيا فيها إيه
الصوت المزعوم لأحمد م. ج: لاه قولى أنت الصح
الصوت المزعوم لأحمد م. ج: برضه حيقولى لأه
الصوت المزعوم لعادل :" أنت مقفل كده خالص
الصوت المزعوم لأحمد م. ج: يضحك، معرفش انا الكلام ده
...تليفون الكومى يرن
الصوت المزعوم للكومي: يا كابتن، يا بيه أنا منتظرك من ساعتها تصور، الله
يخليك، أنا موجود فى جاردن سيتى دلوقتى، انا بجاردن سيتى وعندى ارتباط
الساعة 6 ونصف ودلوقتى الساعة 5 ولو انت جانبى انا موجود تعالى حتى فيه غدا

الصوت المزعوم لاحمد م. ج: حيقولى ليه أنت مبنتش فى التحقيقات معاها
الصوت المزعوم لعادل : لماذا لم تدلى بأقوالك التى تمت فى التحقيقات من
قبل، ده السرؤال محبتش تقولك الكلام ده فى التحقيقات
الصوت المزعوم للكومي: لأن محدش طلب منى
عادل : طيب ومين طلب منك تقول الشهادة دلوقتى
الصوت المزعوم للكومي: بس التانى ده مهم جدا، السؤالين دول
الصوت المزعوم لعادل : آه أربع أسئلة، بص يا بانى أنا كنت السيدة خلود
طلبتنى ولما طلبتنى روحت معاها فى سيارتها الخاصة وكان فيه سيارة تانية
ووصللنا لمزرعة المهندس يحى ودخلنا جوه شوفتها هى والبودى جارد والناس إللى
معاها بيشيلو الحاجات
الصوت المزعوم للكومى : أنا قاعد مستنى الكتالوجات والحاجت
الصوت المزعوم لعادل : علشان أنا عندى شغل نجارة فى المزرعة وشفتها هى
بتشيل حاجات وبتعمل حاجات، والشنطة دى عبارة عن كذا وكذا
الصوت المزعوم للكومى: وبعد كده شوفت خلود، وهى بتفتح وتأكد عى انها شافت
العربية والصندوق
الصوت المزعوم لعادل : امتى كان الكلام ده، يوم الخميس
الصوت المزعوم للكومي: الساعة 3 صباحا
عادل : مين كان موجود، فلان وعلان
الصوت المزعوم لاحمد م. ج: وأنا سبتهم ومشيت
الصوت المزعوم لعادل : شوفت مين شايل الحقايب ادامك
الصوت المزعوم لأحمد م. ج: بودى جاردات
الصوت المزعوم لعادل: البودى جاردات، طيب الحقائب كان جواها إيه
الصوت المزعوم لأحمد م. ج: كان جواها زى الصندوق
عادل : شوفته
الصوت المزعوم للكومى : آه
الصوت المزعوم لعادل : الشهادة متتسمعش لازم تكون شفته
الصوت المزعوم للكومى : شوفت شوفت الصندوق ده وهى بتفتحه يا بيه
عادل : وهى بتتفتح الصندوق، طب ايه اللى كان جوه الصندوق
الصوت المزعوم لاحمد م. ج : أصل بص الصندوق بأه زى دا برضه علشان الكلام هى
هتفتحه قدامى، هو مش هيكون غير للبودى جاردات، صح؟
الصوت المزعوم لعادل : المهم الصندوق ده كان ادامك وهى حطته فى العربية
ومشيت
الصوت المزعوم لعادل : هل أخبرك أحد على الشهادة
الصوت المزعوم لاحمد م. ج: لا
الصوت المزعوم لعادل : سبب مجيتك ليه النهاردة
الصوت المزعوم لاحمد م. ج: هو كان قابلنى على باب المزرعة كده
الصوت المزعوم للكومى : على أساس أنى مكلفه بالرسومات فى باب الفيلا
الصوت المزعوم لعادل : سبب مرواحك القسم إيه، وإيه اللى منزلك من بيتكم
للقسم
الصوت المزعوم لأحمد م. ج : سمعت فى التليفزيون إن فيه حاجة اتشرقت واتعملت
روجت أقول بأقوالى أن شوفت العيا بيروقوا المزرعة والكلام ده وشالوا شنط
وحطو شنط
الصوت المزعوم لعادل: إمتى بقى تؤيد اتهام خلود بانها اخدت حاجات
الصوت المزعوم لاحمد م. ج : هيسألنى كده هو برضه هههه
الصوت المزعوم لعادل : هيسألك وكلها أسئلة محورة وهيسألك إزيك وأنت اسمك
إيه وكلها أسئلة محورة
الصوت المزعوم لأحمد م. ج: أنا موقفتش قدام كيل نيابة قبل كده
الصوت المزعوم للكومي: يا جدع بقولك قدام القسم
الصوت المزعوم لأحمد م. ج: سيبها على الله
الصوت المزعوم للكومى : أنا سبناها على الله أمال سبناها على مين
الصوت المزعوم للكومى : أنا عايز اسألك سؤال، مش أنت إللى جايه، ولا حد
جرجك قول إللى هيمليك ضميرك قدام ربنا
الصوت المزعوم لأحمد م. ج :لما أقف قدام الراجل هأقول إللى هيمليه عليا
ضميرى قدام ربنا، وخلاص زى ما أنت بتقول صح، أصل الكلام إللى ممكن أقوله
دلوقتى أقول كلام غيره، انا قريت الكلام بتاعك.
الصوت المزعوم لعادل: الأسئلة كثيرة، واحد داخل يعمل عملية، لازم يخدروه
وبعدين يقطعوا فى جسمه، أنت شغال إيه؟ نجار مش كده، بتصنع إيه
الصوت المزعوم لأحمد م. ج : مطابخ وأوض نوم
الصوت المزعوم لعادل: هل بتلاقى أوضة النوم جاهزة، ولا بتجيب الخشب من
الموسكى وبعدين بتقطع الخشب برضه، وانا كدا خدونى طلبونى ركبت معاهم وروحت
مزرعة يحى بيه وشوفت الناس بيشيلو ويحطوا فى العربية، وأنا جاى أقول الحق
بتاع ربنا وخدو من عند يحى بيه شنط وحطوه فى هربياتهم، وادى الملخص قصة.

الصوت المزعوم للكومى: ماشى يا استاذ عادل هو الراجل ما قلش حاجة
الصوت المزعوم لعادل : أنا بقول علشان يكون فاهم
الصوت المزعوم للكومي: ما هو فاهم
الصوت المزعوم لعادل : يعنى أنت لما بتجيب خشب بتعمل مسامير
الصوت المزعوم للكومى: ما هو الراجل فاهم ومستعد

محامي خلود العنزي يتهم يحيى الكومي بـ (تأجير) شاهد وتلقينه أقوالاً
معينة


متابعة: مهند الشناوي - تقدم الدكتور سمير صبري محامي سيدة الأعمال
السعودية خلود العنزي ببلاغ للنائب العام المستشار عبد المجيد
محمود ضد رجل الأعمال المهندس يحيى الكومي، وأكد أنه أرفق مع بلاغه تسجيلاً
صوتيًا للكومي.وقالت قناة المحور الفضائية يوم الاثنين إن صبري
يدعي أن هذا التسجيل يتحدث فيه الكومي إلى شاهد ويمليه شهادة معينة حتى
يقولها الأخير أمام النيابة.وكان الكومي رئيس نادي الإسماعيلي
السابق قد تقدم ببلاغ ضد خلود العنزي طليقة رجل الأعمال الشهير الوليد بن
طلال، متهمًا إياها بسرقة 150 مليون جنيه، لكن النائب العام قرر حفظ
البلاغات المتبادلة المقدمة استنادا إلى عدم ثبوت ارتكاب العنزي لواقعة نصب
أو احتيال على الكومي، وخلو الأوراق من أية أدلة مادية تؤكد صحة ذلك.شاهد الفيديومكالمة محاميي
العنزي والكومي

ورد الدكتور محمد حمودة في مداخلة هاتفية على
القناة ذاتها، قائلاً إن هذا التسجيل مدبر من محامي العنزي، مستغلين حسن
نية الكومي.وتابع: "هذا التسجيل يجب أن يعاقب مرتكبه بالحبس سنة
لانتهاك الحرمات، لأنه فعل مدبر من محامي خلود العنزي، وهذا الشاهد مجند من
طرفهم للإيقاع بالكومي".

خلود العنزى تقدم «سى دى» للنائب العام يتضمن تسجيلاً
لـ«الكومى» أثناء «تلقينه» عاملاً بأقوال ضدها

خلود العنزى تقدمت خلود العنزى، طليقة الأمير الوليد بن طلال، ببلاغ إلى المستشار عبدالمجيد محمود، النائب العام، و«سى دى» قالت إنه يحتوى على حوار مسجل بالصوت بين رجل الأعمال يحيى الكومى، رئيس نادى الإسماعيلى الأسبق، وأحد العاملين لديه، ويتضمن محاولة الكومى تحفيظ العامل ما سيقوله فى تحقيقات النيابة حول الواقعة التى كان يتهمها فيها بسرقة شنطة مجوهرات من داخل فيلته تقدر بـ«٧٠ مليون جنيه».حصلت «المصرى اليوم» على نسخة من الـ«سى دى» الذى قدمه محامى العنزى «سمير صبرى» إلى النائب العام، ظهر أمس، وفيه - حسب البلاغ - يحيى الكومى يتحدث إلى العامل «أحمد»: «احفظ اللى هقولك عليه علشان هتقوله بالنص فى النيابة.. وأنا هديلك فلوس تخليك ملك، وتنسى شغلة النجارة دى خالص».. ويتحدث النجار: «إنت عاوزنى أقول إيه».. فيرد الكومى «إنت هتقول إنك شُفتها وهى خارجة من الفيلا وفى إيدها المجوهرات بعد أن حصلت عليها من حقيبة المجوهرات وتركت الحقيبة».. فيرد النجار: «بس هيسألونى فى النيابة عن مواصفات الشنطة وأنا مش عارفها».. فيجيب الكومى: «يا ابنى هى مخدتش الشنطة.. هى سابتها.. وأنا هوريك الشنطة علشان تعرف أوصافها.. المهم تحفظ اللى هقولهولك بالنص علشان تقوله فى النيابة وإوعى تتلخبط».وقال سمير صبرى، محامى العنزى، إنه اصطحب النجار أمس الأول إلى قسم قصر النيل، وحرر محضراً بالواقعة، وقدم الـ«سى دى» إلى النائب العام للتحقيق وإثبات الحقيقة، رغم أن التحقيقات حفظت فى واقعة السرقة.فى المقابل، قال يحيى الكومى لـ«المصرى اليوم»: «هذا النجار يعمل لدى خلود.. وحضر إلى منزله وأخبره بأنه شاهد واقعة السرقة ويمكنه أن يدلى بها أمام النيابة، فقلت له: (إيه اللى هتقوله) فرد إنها أخذت الحقيبة اللى فيها المجوهرات.. فقاطعته قائلاً بأنها لم تأخذ الحقيبة.. وطلبت منه أن يذهب معى إلى الشهر العقارى لتسجيل تلك الشهادة، وبعد الذهاب إلى الشهر العقارى قال إنه نسى بطاقته الشخصية.. وإنه سيأتى فى اليوم التالى.. وانتهى الموضوع».وأوضح الكومى أنه نسى هذا الموضوع، وإن صح أنه اصطنع هذه الشهادة لدعم موقفه فهو لم يتقدم بها إلى النيابة من الأساس.

«لدينا
(C.D) يثبت تحايل رجل الأعمال»



محامي
خلود العنزي يتقدم ببلاغ جديد ضد الكومي

في جديد قضية «الأميرة والملياردير» في مصر قال محامي سيدة الأعمال السعودية خلود العنزي الدكتور سمير صبري: «إن العنزي فوجئت منذ يومين بشخص يدعى أحمد محمود أبوالسعود» يسلمها قرصاً مدمجاً (CD)، موضحا أن خصمها رجل الأعمال المصري رئيس النادي الإسماعيلي السابق يحيى الكومي عرض عليه مبلغا ماليا كبيرا مقابل شهادته زورا أمام النيابة العامة المصرية ضد العنزي. وأوضح صبري في تصريحات لـ «الراي» أن الـ «C.D» يـظهر شخصا يدعى أحمد النجار مع الكومي وهما يلقنان شخصا آخر يدعى عادل ويعرضان عليه الذهاب إلى النيابة وادعاء أنه قام بذلك بمحض إرادته بغرض الإدلاء بالحقيقة ليؤكد أنه قد شاهد العنزي وهي تأخذ حقيبة الكومي وتخرج منها صندوقا وتضعه داخل سيارتها وتهرب ويظهر في الـ C.D أيضا تلقين الكومي والنجار لعادل أنه علم من التلفزيون أن شيئا ما قد سرق من الكومي ولذلك تبرع بأن يدلي بشهادته أمام القضاء. وأكد محامي العنزي أنه حرر محضرا ضد الكومي بالرغم من إصدار نيابة جنوب الجيزة قرارا بحفظ جميع البلاغات المتبادلة وإرفاق الـ «C.D» مع البلاغ وبه الحوار بالكامل بصوت المهندس الكومي منوها بأن الشاهد أحمد أبوالسعود قام أيضا بتحرير محضر ضد الكومي. يذكر أن العنزي كانت أقامت دعوى ضد الكومي تتهمه فيها بالبلاغ الكاذب والسب والقذف وطالبت بتعويض قدره 20 مليون جنيه، مؤكدة أنها ستتبرع بهذا التعويض لصالح مستشفى سرطان الأطفال.

محمد حمدى


بليز كوول مى!



فى عدد "الاثنين 18 يناير من صحيفة روزاليوسف"، نشر الزميلان محمد هاشم
وأميرة محمد نص الرسائل المتبادلة على الهاتف المحمول بين رجل الأعمال رئيس
نادى الإسماعيلى السابق يحيى الكومى ومطلقته خلود العنزى، وفى هذه
التسجيلات التى تحفظت عليها النيابة وضمتها لتحقيقاتها الكثير من الأمور
المثيرة والغريبة التى تستحق التوقف.

فمثلا رغم الملايين التى أنفقها المليونير يحيى الكومى "50 مليون جنيه"
لإتمام زواجه من خلود العنزى مطلقة الملياردير السعودى الوليد بن طلال، فإن
الكومى أرسل لها عدة رسائل‮ "‬SMS‮" ‬مجانية نصها‮: "‬كلمنى من فضلك‮"
‬و"بليز كول مى" ‬التى عادة ما يلجأ إليها المتصل إذا نفد رصيده‮!
‬
وكانت خلود تحفظ رقم تليفون الكومى المحمول تحت اسم‮ "‬يسرية‮ ‬3‮"،
‬وعندما سألتها النيابة لماذا؟ قالت خلود العنزى‮: ‬ده اسم شغالة كانت
بتشتغل عندى اسمها يسرية‮!‬ وقالت إنها كتبت رقم‮ ‬3‮ ‬بجوار‮ "‬يسرية‮"
‬لأن يحيى الكومى لديه‮ ‬3‮ ‬خطوط تليفون محمول وهذا هو الخط الذى يرسل منه
رسائله إليها‮.
‬
وهناك العديد من الرسائل الغرامية لكنها ليس مهمة لأن المهم جدا هى تلك
الرسائل المجانية التى كان يرسلها من هاتفه المحمول ليقول لزوجته: بليز
كوول مى.. وهو أمر أكثر من غريب خاصة لو عرفنا أن الكومى ملياردير وأحد
المستثمرين العاملين فى مجال البترول، وهو واحد من أغنى الأغنياء بدليل أنه
دفع لزوجته خمسين مليون جنيه مقابل الزواج لمدة شهر فقط.

ولا يهمنى أنه دفع كل هذا المبلغ من أجل الزواج، فالمثل المصرى يقول "من
حكم فى ماله ما ظلم"، لكن فكرة أن شخصا بكل هذا الغنى والثراء لديه هاتف
محمول بنظام الكارت وليس الخط، ثم يلجأ إلى إرسال رسائل مجانية لآخرين يطلب
منهم أن يطلبوه لأن رصيده نفذ مسألة غريبة جدا وتحتاج التأمل.

بعض الناس يرون أن مثل هذا السلوك طبيعى لدى عدد ليس قليل من الأغنياء،
فلولا حرصهم الزائد على أموالهم ما وصلوا إلى الثروات، وما وضعوا القرش فوق
القرش ثم الجنيه على الجنيه، وصولا إلى المليون على المليون والمليار فوق
المليار وهلم جرا.

لكن يبقى هذا السوك غير طبيعى لدى معظم الناس، خاصة الذين يكملون "عشاهم
نوم"، ويعتبرون الحصول على المال وسيلة للحياة وليست هدفا فى حد ذاتها،
فنحن نجنى المال حتى نعيش ونحيا ونتمتع بمتع الحياة، لكن الحكمة التى يجب
تعلمها من أغنياء هذا الزمان ويجب تسجيلها باسمهم هى: بليز كوول مى!