هادي خشبة

من غير ضرب ايه المشكله انه يرجع يعني

المبادئ والقيم والكلام الحمضان ده
بس غير الحاجات دي

الاسماعيلي مش حيسيبه الا بفلوس كتير
والاهلي كده حيتنازل عن التعويض الي المفروض حياخده

بس الحضري لو دفع فلوس التعويض واشترى نفسه من الاسماعيلي
يبقى يرجع

انا بصراحه مش عارفه ليه الجمهور يعني مكبرها كده
ماهو خلاص تاب واناب

اه وشوقي هرب ورجع عادي
وابراهيم سعيد

لكن انى افضل اشتم فى شيكابلا وحازم امام وحسام وابراهيم دى من المبادئ

نشتم احنا اه
بس حد يشتمنا لا ضد المبادئ

والله حتي حسام وابراهيم الاهلي الي رماهم بره وفضلوا يطلعوا يتكلموا ويعتذروا للجمهور ويشرحولهم الي حصل
وفي اول ماتش ليهم الجمهور فضل يشتم فيهم
يعني المفروض لم الاهلي سابهم كانوا اعتزلوا علشان سواد عين الجمهور وما يشوفوش مستقبلهم
مش فاهمه يعني انا الناس بتحكم باي منطق
هو يعني لو الاهلي كان فاتح مع حسام صفحه جديده واداله فريق يدربه كان عمر حسام هيفكر في الزمالك
لكن بلنسبه للحضري انا شايفه انه اعتذر كتير واحنا محتاجينه وخصوصا في الوقت ده الي الدفاع فيه فضيحه

ده فيه واحد من الالتراس عمال يقول إحنا اسياد وملوك الملعب
وكلمتنا تمشي على اي حد
وعلى مجلس الادارة


وبيقولوا على نفسهم هم جمهور الاهلي بس
ربنا يشفي

اه تمام
بس يدفع هو الفلوس للإسماعيلي
ويلعب ببلاش

osamahlawy wrote:اه وشوقي هرب ورجع عادي
وابراهيم سعيد

لكن انى افضل اشتم فى شيكابلا وحازم امام وحسام وابراهيم دى من المبادئ

نشتم احنا اه
بس حد يشتمنا لا ضد المبادئ

تمام يا اوس مش معنى ان لاعب هرب انى ارميه بره النادى ابراهيم سعيد مثلا بعد ما عمل كذا غلطه يعنى استحمله مره واتنين وتلاته ومات وابراهيم لسه فى النادى المايسترو لو كان لقى ان ابراهيم مش نافع معاه اصلاح كان هيرميه لكن لما لقى انه ممكن يصلح منه رجعه تانى
يعنى مثلا ابراهيم وحسام طول عمرهم بيعملوا مشاكل فلما سنهم كبر والمايسترو لقى انه مستحيل معاهم اصلاح ومشاكلهم كل يوم بتزيد طردهم
ابراهيم سعيد لو كان المايسترو كمل كان برضه هيطرده

بس كده كده مش حيرجع
لان حسن حمدي مش موافق
بحجة القيم والمبادئ


وهو ضياع حق الاهلي
في موضوع حسني عبد ربه ده من مبادئ النادي
انه يضيع حقوقه
وغيره وغيره


زي محمد عبدالوهاب الي كان عضو المجلس
طالع النهاردة يقول
الحضري مش حيرجع
لان الاهلي فوق الجميع

المذيع بيقوله يعني إيه
معرفش يرد

حافظين وخلاص

raniawafik wrote:والله حتي حسام وابراهيم الاهلي الي رماهم بره وفضلوا يطلعوا يتكلموا ويعتذروا للجمهور ويشرحولهم الي حصل
وفي اول ماتش ليهم الجمهور فضل يشتم فيهم
يعني المفروض لم الاهلي سابهم كانوا اعتزلوا علشان سواد عين الجمهور وما يشوفوش مستقبلهم
مش فاهمه يعني انا الناس بتحكم باي منطق
هو يعني لو الاهلي كان فاتح مع حسام صفحه جديده واداله فريق يدربه كان عمر حسام هيفكر في الزمالك
لكن بلنسبه للحضري انا شايفه انه اعتذر كتير واحنا محتاجينه وخصوصا في الوقت ده الي الدفاع فيه فضيحه

حسام حسن مشكلته انه بيقول الكلام زى ما يجى على دماغه ومش خبيث زى الحضرى
حسام طلع مع محمود سعد قبل ما يعتزل وكان نفسه يرجع الاهلى او حتى يعمل ماتش اعتزال مع الاهلى حسام حسن بيتكسف جدا بس هو عصبى جدا جدا

اما الحضرى انا مش عايزه يرجع مش لان ده ضد المبادئ والكلام الفارغ ده
الحضرى انسان واطى ولحد دلوقتى بيشتم فى جوزيه وبيقول انه مشى علشان جوزيه كان فى الاهلى طيب لو جوزيه رجع هيعمل ايه ؟؟؟
كمان هو بيقول انه كان مبيحبش جوزيه ولا كان بيعبره فى النادى ليه بعد كل بطوله كان بيروح يحضن فيه ويبوس رجله !!

osamahlawy wrote:بس كده كده مش حيرجع
لان حسن حمدي مش موافق
بحجة القيم والمبادئ


وهو ضياع حق الاهلي
في موضوع حسني عبد ربه ده من مبادئ النادي
انه يضيع حقوقه
وغيره وغيره


زي محمد عبدالوهاب الي كان عضو المجلس
طالع النهاردة يقول
الحضري مش حيرجع
لان الاهلي فوق الجميع

المذيع بيقوله يعني إيه
معرفش يرد

حافظين وخلاص

وهو من القيم والمبادئ ان لاعب يهرب ويدينى على قايا اقوم انا اعطل القضيه علشان هجيب شريف عبد الفضيل !!
هو احنا خدنا ايه من الحضرى بعد ماهرب فين حقنا !!
فين حقنا فى قضيه حسنى وفلوسنا فين !!
وهو من المبادئ انى افاوض اينو قبل الهنا بسنه !!

لو حد من الالتراس دخل المنتدي وشاف كلامنا
مش بعيد يولع شمروخ في المنتدي
ويقيموا علينا الحد

ضيعوا حق النادي في كل القضايا

بتوع الالتراس اخر ناس تتكلم
فاضحين النادي في كل حته

فى برضه واحد اسمها مايا بعتتلى كذا رساله وقعدت تهددنى وتقولى متشتمش اسامه حسنى انا مش هسيبك وهاعمل اى حاجه علشان امنعك

يا جماعه الخير

يا رانيا هانم

هو حسام وابراهيم اللى عملوا واللى قالوه بعد ما سابوا الاهلى ينفع معاه اى تسامح ؟

حسام وابراهيم كانوا ممكن يلعبوا فى اى نادى فى مصر وكان ممكن يروحوا الخليج وكانوا خلاص رايحين يمضوا فى تركيا لكن هما اختاروا يلعبوا فى الزمالك عندا فى الاهلى

وفى كل مكان كانوا بيشتموا فى الاداره وشتموا صالح سليم وفى ماتش الاهلى والزمالك رفعوا الجزمه لجمهور الاهلى ومسابوش مناسبه واحده مهاجموش فيها الاهلى وجمهوره

فرصه ايه اللى كنا هنديهالهم بعد كل ده اذا كانوا هما عمرهم ما اعترفوا انهم غلطوا فى الاهلى .؟

طب ما طاهر ابو زدي وعلاء ميهوب وربيع ياسين ومجدى عبد الغنى الاهلى سابهم واستغنى عنهم وبعضهم اتظلم وكلهم لا زالوا ينتموا للاهلى ولم يخطئوا فى يوم من الايام فى النادى وجمهوره وادارته

شوقى سافر ورجع ولم يتعاقد مع اى نادى واتخصم منه فلوس واتعاقب وابراهيم سعيد كان لسه ناشىء صغير وعاقبوه وقوموه ولما كررها انطرد بره النادى بلا رجعه

انما الحضرى مش نونو ولا لسه عيل صغير ...الحضرى استخدم الماده 17 عمدا وهرب عمدا واتعاقد مع نادى تانى واشتكى الاهلى رسميا وشتم اداره الاهلى وغلط فينا بالعبيط ....هل ينفع بعد كل ده يرجع ؟

نسامحه اه ونقول خلاص مش هنشتمه تانى وربنا يكرمه ويوفقه بس بعيد عننا ...انما يرجع الاهلى تانى لا والف لا يبقى ساعتها بقى كل لعيب هيدينا على قفانا ويخلع ويقول لو فشلت اضحك عليهم بكلمتين وارجع النادى تانى

الحضرى كان فى نعمه هو مقدرهاش وافتكر نفسه فوق الاهلى ومن يوم ما مشى وهو غريب شريد هيموت ويرجع ومش عارف...بس هو اللى اختار وهو اللى لازم يتحمل نتيجه اختياره فى الاخر

واللى ينطبق على الحضرى ينطبق على التؤام اللى برضه افتكروا نفسهم اكبر من النادى وكانت النتيجه انهم بيتسولوا الشعبيه والجماهيريه اللىافتقدوها من ساعه ما سابوا الاهلى وهما عارفين ومتأكدين ان تشجيع جمهور الزمالك ليهم هو تشجيع نكايه فى الاهلى مش حب اوى يعنى فى التؤام

اه أنا اعرف مايا
بتحب اسامة حسني قوي

وهو يعني جمهور الاهلي الي مبيغلطش.

ولا إدارة الاهلي الي ضيعت حقوق النادي مغلطتش

لما حسن حمدي يطرد بره النادي
يبقى نقول الصح والغلط


لما امير شتم البدري
طردوه


ولما البدري شتم ام فرانسيس
معملوش حاجة

حسام وابراهيم كانوا ممكن يلعبوا فى اى نادى فى مصر وكان ممكن يروحوا
الخليج وكانوا خلاص رايحين يمضوا فى تركيا لكن هما اختاروا يلعبوا فى
الزمالك عندا فى الاهلى

هو احنا نمشيهم وكمان نختارلهم المكان اللى يلعبوا فيه !!
احنا مش عايزينهم وخلاص زى حسن مصطفى وحسين ياسر ومحمد عبد الله وووووو

رفعوا الجزمه لجمهور الاهلى ومسابوش مناسبه واحده مهاجموش فيها الاهلى
وجمهوره

ما ارق السعيد عمل حركه بصباعه لجمهور الاهلى
ومع ذلك اتعاقدنا معاه

انت بقيت مستهدف يا عصام

osamahlawy wrote:


اه أنا اعرف مايا
بتحب اسامة حسني قوي

ما انا كمان بحب اسامه حسنى بس اما يعتزل ابقى اكتب تاريخه لكن طول ماهو بيلعب ويشلنا يبقى يستحمل

raniawafik wrote:
انت بقيت مستهدف يا عصام

ده من زمان من ايام امير وكنت بلاقى رسائل بتقولى انت مش اهلاوى