عمـاد متعــب : يوقع رسميا لستاندر لياج

بالتوفيق فى اى مكان يا عمده

وزارة الدفاع تفاجيء
الجميع: التجنيد لم يمنع متعب من السفر !


2010/07/22
15:03



كتب
: خالد يوسف













أصدرت إدارة الشؤون المعنوية بوزراة الدفاع بياناً اليوم الخميس تنفي
فيه ما تردد من انباء في الفترة الماضية أن التجنيد هو السبب في عدم تمكن متعب من
السفر إلى بلجيكا في وقت سابق هذا الأسبوع.

حيث نفت في البيان كل ما تردد عن عدم حصول اللاعب على إذن سفر من القوات
المسلحة، وتابعت أنه تم التصريح لمتعب وتسلم إذن السفر من إدارة التجنيد والتعبئة
بتاريخ 12 يوليو الماضي.

ويأتي هذا البيان لينفي تصريحات نادر شوقي وكيل عماد متعب والذي أكد ان
التجنيد هو السبب وراء عدم تمكن متعب من السفر الى بلجيكا للالتحاق بنادي ستاندر
ليج البلجيكي، وهو ما يفتح الباب أمام تساؤلات الجماهير الأهلاوية حول حقيقة
محاولات الأهلي للإبقاء على اللاعب وتجديد تعاقده برغم توقيعه للنادي
البلجيكي.

يذكر أن متعب سيغادر فجر الجمعة متوجهاً الى بلجيكا للانضمام الى معسكر
الاعداد الذي يخوضه ستاندر ليج البلجيكي بعد حل مشكلة التجنيد حسب تأكيدات وكيل
أعماله والتي لم يكن لها وجوداً من الأساس،واليكم صورة من بيان إدارة الشؤون
المعنوية بوزارة الدفاع الذي صدر صباح اليوم الخميس

osamahlawy wrote:امال ايه السبب ؟؟

ما انت عارف السبب يا اوس

مش قولتلك سعد كان بيقول الاداره عملت محاولات مكثفه مع بتوع الجيش عشان يضربوله ورقه تمنعه من السفر

ممكن يكون عملوها ودى من غير ما يطلعوا ورقه ولا حاجه عشان ميبقاش فيها مشكله

بس من الاخر حركه زباله من الاداره يعنى ...ودلوقتى منظره قدام الناس انه كداب والاداره فله شمعه منوره

احسن...يستاهل

يشوف جيلبرتوا ويتعلم

صحيح...ولاد الاصول بيبانوا

mady00 wrote:احسن...يستاهل

يشوف جيلبرتوا ويتعلم

صحيح...ولاد الاصول بيبانوا

يتعلم ايه من جلبرتو؟ ...انه ياخد على قفاه

يتعلم يحب الاهلي

بس حنقول ايه
ابن النادي صحيح

yulanda wrote:

mady00 wrote:احسن...يستاهل

يشوف جيلبرتوا ويتعلم

صحيح...ولاد الاصول بيبانوا

يتعلم ايه من جلبرتو؟ ...انه ياخد على قفاه

لا يتعلم يحب النادي...

النادي ماعندوش اصل دي قصه تانيه بقي

طب وهو متعب مبيحبش النادى

يعنى مقياس حبى للنادى انى اجيبله فلوس وانا ماشى؟

والا مقياس حبى للنادى انى اتخلى عن حلمى وطموحى؟

اعتقد حبى للنادى هو انتمائى ليه وغيرتى على فانلته واخلاصى ليه فى الملعب وكل ده متعب عمله ...ومليون مره قولت الانتماء درجات ومينفعش كل الناس تبقى وائل جمعه وابو تريكه لان ده مش موجود فى اى حته فى الدنيا


مش فاهم انا حب النادى بيتقاس بايه بصراحه !!!

على فكره متعب لو مبيحبش النادى مكانش استحمل كل الضغوط ديه من الاداره عليه وكان طلع فى الاعلام قال الناس ديه بتضغط عليا عشان افسخ عقدى واقعد

متعب كان ماشى باحترام والاداره كانت موافقه واقنعت الاعلام
والجمهور بان ده حقه ...لكن لما ملقوش بديل نفس الاداره برضه هى اللى
اقنعت الاعلام والجمهور ان احنا بنجرى وراه وهو ندل وجبان ومش عاوز يجدد
كنوع من الضغط عشان يقعد ....سبحان الله الموقفين المتناقضين دول مع نفس
اللاعب رغم ان احنا اللى كنا بنحرضه على فسخ عقده اصلا

انا مش بقول متعب مش غلطان ...هو غلطان فى حاجات كتير بس برضه اتبهدل فى حاجات كتير واتعرض لضغوط كتير عشان يفسخ عقده ويقعد

عقد فودافون اللى قالوله هنلغيه لو مقعدتش
تسريبات ان اصابته اصابه مزمنه
محايلات من الاداره عالهوا عشان يتقال انه ندل والنادى عاوزه وعمل معاه كل حاجه وهو مش عاوز يقعد
موضوع التجنيد اللى الاداره دبرته وفى الاخره هو لوحده اللى شال الليله وطلع كداب
طريقه المفاوضات السيئه اللى اتعامل بيها من هادى والقيعى بالتحديد


خلونى ساكت احسن يا جدعان

بص يااحمد
متعب من الناس اللي مابيهمهاش غير نفسها

لما حب يروح السعوديه مشي وساب النادي يخبط دماغه في الحيطه...نفس النظام لما راح بلجيكا

مالوش كلمه...طلع عنينا ومش مركز اغلب الوقت

اقنعت الاعلام والجمهور ان احنا بنجرى وراه وهو ندل وجبان ومش عاوز يجدد

ودي حكيكه سيدي العضو

انت صدقت ان متعب بيحب الاهلي ولا ايه

على فكره متعب لو مبيحبش النادى مكانش استحمل كل الضغوط ديه من الاداره عليه وكان طلع فى الاعلام قال الناس ديه بتضغط عليا عشان افسخ عقدى واقعد

لا طلع وقال الخطيب قعد معايا عشان اقعد
وانا قلت لا انا عاوز اسافر ومش قاعد

موضوع التجنيد اللى الاداره دبرته وفى الاخره هو لوحده اللى شال الليله وطلع كداب

الادارة مش واصلة قوي للدرجة دي
عشان تمنع واحد من السفر

طيب وليه سافر في الاخر !!

عدلى القيعى مع ياسر ايوب بيقول متعب معاه وكيل اعمال بيمسك اللاعب مان تو
مان وبيقى معاه طول الوقت واواقات مكناش بنعرف نجيب عماد غير من خلال نادر


بيقول عماد كان عين فى الجنه وعين فى النار...عنده رغبه ملحه وشديده فى
خوض تجربه الاحتراف وفى نفس الوقت مش هاين عليه يسيب النادى اللى اتربى
فيه ...وبيقول هو زى ما يكون بيقول انا لو رحت بلجيكا هبقى مبسوط ولو قعدت
فى الاهلى هبقى مبسوط والشاطر اللى يشدنى

وبيقول هو لو كان قال من الاول بشكل واضح انا عاوز اقعد كان ممكن نتفاوض مع النادى البلجيكى ونخلصه والنادى البلجيكى يستفيد

وطبعا بينفى ان الاداره ليها اى علاقه بموضوع التجنيد

بيقول هو زى ما يكون بيقول انا لو رحت بلجيكا هبقى مبسوط ولو قعدت
فى الاهلى هبقى مبسوط والشاطر اللى يشدنى

ده علي اساس انه متعبينيو؟

هو مش التجنيد نفى

يعني مكنش ممنوع من السفر ولا حاجة

لا طلع وقال الخطيب قعد معايا عشان اقعد
وانا قلت لا انا عاوز اسافر ومش قاعد

طب لما هو قال عاوز اسافر جريت وراه ليه ؟

الادارة مش واصلة قوي للدرجة دي
عشان تمنع واحد من السفر

طيب وليه سافر في الاخر !!

يا راجل ....ده انت لو تعرف ظابط كبير فى المطار ممكن يركبك الطياراه بتذكره مش باسمك اساسا وممكن برضه ميركبش الطياره عشان فيه حرف غلط فى التذكره

osamahlawy wrote:هو مش التجنيد نفى

يعني مكنش ممنوع من السفر ولا حاجة

يا عم الحاج بقولك الخطيب طلع مع ابراهيم حجازى الساعه 12 بالليل قال متعب عنده مشكله فى الجيش تانى يوم الصبح متعب اتمنع من السفر

طب لما هو قال عاوز اسافر جريت وراه ليه ؟

ادارة اي كلام
وباقول كده من زمان

يا راجل ....ده انت لو تعرف ظابط كبير فى المطار ممكن يركبك الطياراه بتذكره مش باسمك اساسا وممكن برضه ميركبش الطياره عشان فيه حرف غلط فى التذكره

ايه دخل ده بالتجنيد

ايه دخل ده بالتجنيد

دخله انك تقوله فى المطار يا كابتن انت ممنوع من السفر عشان كذا وانا عندى اوامر بكده

لا صعب
الا لو كان فيه مانع عشان التجنيد فعلا

محدش حيودي نفسه في داهية عشان خاطر الكرة يعني