عمـاد متعــب : يوقع رسميا لستاندر لياج

أصبح بقاء واستمرار عماد متعب نجم هجوم النادي الأهلي مرهوناً بالوصول
لاتفاق حول التفاصيل المادية

سلسلة برهان وبركان ..... ومتعب كمان وكمان


بعد انتهاء الدوري المصري موسم 2009 –
2010 إكلينيكيا بفوز الاهلى كالمعتاد ، تركزت الأحاديث الأهلاوية حول
الاستعداد لما هو قادم من تحديات شداد في كأس مصر وافريقيا وموسم 2010 –
2011 والصفقات الجداد وإصرار السيد برهان على إن أهم صفقة هي .... المتعب
عماد
عبده بركان: انت ليه مصمم
على إن عماد متعب هو أهم صفقة السنة دى؟
السيد برهان: مش أنا اللي مصمم ، ده متعب اللي مصمم
عبده بركان: متعب قال عن نفسه انه أهم صفقة
السنة دى؟
السيد بركان: ايوه
بس مش بالأقوال ... بالالتزام و الاجوال
عبده بركان: بس برضه متعب غلطان ، رفض يجدد واتكبر على الاهلى
ونسى إن الاهلى صاحب فضل عليه
السيد
برهان: خلينا نتكلم بصراحة ، ماحدش صاحب فضل على حد ، متعب لو كان وحش
ماكانش لعب في الاهلى ، ولو لعب وما أثبتش نفسه ماكانش حيكمل ولو كمل
ماكانش يبقى أساسي ولو كان أساسي علشان مافيش بديل ماكانش يبقى هداف
المنتخب الاساسى على مدار الخمس سنين اللي فاتت.... العلاقة احترافية ...
أخد و عطاء ، لكن في رأيى المتواضع متعب اقل واحد أخد من الاهلى في الخمس
سنين اللي فاتت ولازم نقر إن الاحتراف بره ده حق مشروع لكل إنسان عنده
طموح.... ولازم جمهور الاهلى يدي متعب هذا الحق.
عبده بركان: طيب ما انت ما قولتش كده على
الحضري ... اشمعنى ؟
السيد
برهان: يااه انت كده سهلت المناقشة لان الاختلاف مش الطموح ، وإنما
الاختلاف في الاحترافية والالتزام بشروط التعاقد، زى ماقولتلك قبل كده ،
العقد شريعة المتعاقدين ،الحضري هرب ولم يلتزم بتعاقده مع الاهلى ، ومتعب
أكبر مثل على احترام اللاعب لتعاقداته حتى آخر يوم في عقده مش كده ولاايه؟
عبده بركان: فعلا ، كفاية اللي عمله متعب
في ماتش الزمالك في الدوري والاتحاد الليبي في افريقيا رغم إصابته يعنى مش
بس لعب وعطاء لكن برضه مخاطرة على نفسه رغم طموحه ... معناه إيه ده يا
برهان؟
السيد برهان: معناه
يابركان إن إحنا عندنا ألماظة نادرة اسمها "متعب" بيبان نقاءها في كل
مناسبة من أول مارجع من الإصابة ولعب ماتش الجزائر وجاب الجول التانى في
الوقت القاتل
عبده بركان: لو
انت مكان إدارة الاهلى تجدد لمتعب بكام؟
السيد برهان: باللى يطلبه
عبده بركان: ياسلااااام ليه يعنى؟ انت عمرك ماقولت الكلمة دى على
أي لاعب في الاهلى قبل كده ، برضه اشمعنى متعب؟
السيد برهان: أولا: تعويض عن الخمس سنين
اللي فاتت وتأمين للثلاث سنين اللي جاية
ثانيا: متعب عنده 27 سنة (مواليد 20 فبراير
1983) يعنى في قمة عطاءه في عمره الكروي ، ولو وقع ل3 سنين معناه انه حيوصل
التلاتين إنشاء الله قبل نهاية العقد
ثالثا: لازم إدارة الاهلى تدى المثل اللاعبين
فى إن الاهلى بيقدر ولاده ومابيبخلش على اللي مابيبخلش عليه من عمره
وصحته ومجهوده.

رابعا: انجازاته اللي معملهاش مهاجم في الاهلى أو في مصر آخر عشر سنين
عبده بركان: حيلك حيلك مش للدرجة دى انت
نسيت كل مهاجمين مصر والاهلى في عشر سنين من حبك لمتعب؟ المره هدى انت
عاطفي ومش منطقي كالعادة
السيد
برهان: بالعكس يابركان أنا النهاردة منطقي أكتر من أي يوم بس للأسف فعلا
"لا كرامة لنبي في وطنه"
عبده
بركان: مش فاهمك بصراحة ، وضح ياابو السيد
السيد برهان: لغة الأرقام مابتكدبش ...صح ؟
عبده بركان: صح – طلع الأرقام اللي عندك،
هات
السيد برهان: أولا :
الاهلى في العشر سنين اللي فاتت جرب مهاجمين لايعدوا ولايحصوا ، تعد معايا؟
من أول رضا شحاتة و محمد فاروق و افيلينو الانجولي وبينو البرازيلى
وكاستيللو الكولومبي وطارق سعد وأحمد جلال ورامي ربيع ورضا الويشى ومحمد
طلعت و فضل وأحمد بلال وفرانسيس والعجيزى وأسامة حسنى ، مع احترامي للجميع
مين في دول ممكن نقارنه بمتعب؟ ولو حسبنا إنتاجية فلافيو ومعدلات تهديفه ،
متعب يكسب بمراحل

ثانيا: السنة دى بس متعب وهو مصاب نصف الموسم وبدأ يلعب في نهاية الدور
الأول أحرز 9 أهداف في اقل من 12 مباراة وده معدل تهديف عالي جدا وبعبارة
أخرى ، رغم إصابته، هو أحرز لوحده قد 5 مهاجمين السنة دى (بلال= صفر هدف
محمد طلعت=صفر هدف هانى العجيزى= هدف يتيم فرانسيس = 4 أهداف فضل = 4
أهداف)
ثالثا:
على مدار مشاركاته مع الاهلى في 186 مباراة أحرز 94 هدف والمنتخب الكبير
في 63 مباراة أحرز 31 هدف واتحاد جدة في 25 مباراة أحرز 13 هدف ... يعنى
معدل تهديفه أكتر من 2/1 هدف في المباراة أو بعبارة أخرى أكتر من هدف لكل
مبارتين (على مدار تاريخه) ودى عالميا نسبة عالية جدا
رابعا: متعب هو الهداف
التاريخي لمباريات الاهلى والزمالك الرسمية (10 أهداف) آخر اتنين منهم من
أقل من شهر

خامسا: على صعيد الانجازات العامة اللي اشترك فيها متعب
- أمم افريقية تحت
20 سنة – 2003

- 3 بطولات أمم افريقيا متوالية 2006 – 2008 – 2010
- بطولة العرب
2007

- 17 بطولة مع الاهلى (5 دوري 2004/2005 – 2005/2006 – 2006/2007 –
2007/2008 – 2009/2010 ) و 2 كأس مصر 2005/2006 – 2006/2007 – 2007/2008 -
) و3 كأس أبطال إفريقيا 2005-2006 – 2008 و ال3 السوبر بتوعهم
- دوري السعودية
مع اتحاد جدة 2008/2009

- غير المركز التالت في كاس العالم للأندية 2006 من مشاركتين في 2005 و
2006 وكأس العالم للشباب تحت 20 سنة في 2003
سادسا : على صعيد الانجازات
الشخصية هو هداف كأس الأمم الإفريقية للشباب 2003 ب 5 أهداف وهداف الدوري
2004 /2005 ب 15 هدف (اصغر هداف للدوري المصري على مدار تاريخه) وهداف
كأس العرب 2007 ب 5 أهداف وأفضل هداف بإفريقيا 2005.
نقول كمان؟؟ ولا كفاية؟؟؟
عبده بركان: انت شكلك قابض يابرهان
السيد برهان: فعلا .... قابض على الجمر
وأنا بسمع عن مفاوضات الاهلى اللى بالملايين مع لاعبين درجة تانية بالنسبة
لمتعب

وظهرت مؤشرات عدم قبول متعب للعرض البلجيكي عندما سافر رئيس النادي خصيصاً
الى لندن أثناء وجود متعب هناك من أجل انهاء الصفقة إلا أن متعب طلب تأجيل
التوقيع لحين العودة للقاهرة .

وفي القاهرة جاء الوفد البلجيكي ليقابل عماد متعب ونادر شوقي وكيل أعماله
ولكنهما اعتذرا عن مقابلتهما وهو ما ضاعف من الشكوك حول تردد متعب من قبول
العرض .

عندما اتصل عماد متعب بمحمود الخطيب نائب رئيس النادي
الأهلي يطلب الاتفاق على تجديد عقده مع الأهلي بعدما أصبحت الأمور تسير في
اتجاه استمراره في القلعة الحمراء .

osamahlawy wrote:

أصبح بقاء واستمرار عماد متعب نجم هجوم النادي الأهلي مرهوناً بالوصول
لاتفاق حول التفاصيل المادية

قال مش بيدور على الفلوس بس قال

امتدح عصام الشوالي اللاعب عماد متعب وقال ان متعب احرز هدف عالمي في الاتحاد الليبي . الشوالي قال الكلام ده بعد محاولة مهاجم البرازيلي عمل نفس اللعبة
وقال عماد عمل سنده وشوطة (تك - تك)