عماد متعب : ينضم رسميا لستاندر لياج

الفلوس تتحدث يا احمد

FàWéR wrote:علي فكرة يا احمد عرض بلجيكا صحيح 100%

اتقال عنة من 4 ايام كدة من هيثم عرابي

اعتقد ان العرض حقيقي ومش مماطلة ولا حاجة

ما انا مش قصدى ان العرض مش حقيقى يا وليد

انا قصدى انه مش اكيد انه هيروح زى موضوع جنوه وقيصرى كده عرض رسمى بس مش مناسب ...والغرض من الكلام عليه حاليا انه يزود المهله اللى اديتهاله الاداره يمكن يجيله حاجه افضل

الله اعلم يا احمد
نستني الايام القادمة
مع يقيني التام ان متعب مش مكمل معانا

FàWéR wrote:الفلوس تتحدث يا احمد

لا ياباشا مش موضوع فلوس

اصله هياخد كام هناك يعنى ...بالكتير اوى نص مليون يورو وده مبلغ ممكن ياخد اكتر منه لو قعد فى الاهلى ولو الموضوع فلوس ما كان رجع الخليج وانجز

FàWéR wrote:الله اعلم يا احمد
نستني الايام القادمة
مع يقيني التام ان متعب مش مكمل معانا

هو ده الاحتمال الاقرب ...بس مش ستاندرليج يعنى ...ده يبقى عيل زباله اخر حاجه وبيستهبل

نفسي اعرف الخطيب منظره ايه دلوقتي

لاعب عيل ضحك عليه ولبسه العمة

والبيه اسمه نائب رئيس الاهلي

وفي الاخر طلع ملوش لازمة وملوش كلمة

عادى بقى هى جت على ديه يا اوس

ما احنا بقالنا 4 سنين بندور على بديل لمتعب او فلافيو والانين مشيوا واحنا لسه بندور وشكلنا هنفضل ندور كتير

الخطيب مش فاضي يا اوس
الخطيب حيتكرم في جنوب افريقيا

مش حكاية نجيب بديل
انا باتكلم على الخطيب الي بيتقال عليه قيمة ادارية كبيرة ومش عارف ايه
ويبقى رئيس النادي

ده مش عارف ينفذ كلامه مع لاعب
واللاعب نفض له ومعملوش اعتبار ورمى بكلامه في الزبالة

قيمة ايه بس

متعب للاسف لا فارق معاه خطيب ولا غير خطيب

عيل دماغه جزمه وللاسف الشديد اسلوب الاداره الغلط فى التعامل معاه زمان وضربه على دماغه وعدم التعامل معاه كنجم خلاه يصبر لحد ما يبقى القرار فى ايده ويديهم على دماغهم عشان تبقى واحده بواحده وفى كلا الحالتين الجمهور هو اللى دمه بيتحرق

انا عايز اسال سؤال ماهو الفارق بين خروج الحضرى للاحتراف وخروج متعب للاحتراف
سؤال برئ
عندما خرج الحضرى قامت الدنيا ولم تقعد واتهمته الجماهير بالخيانة للنادى و و و
والان الاعب متعب له اكثر من سنة والنادى ومسؤليه ريئهم نشف معاه من اجل التجديد
ولا حياة لمن ينادى واخيرا ضحك على الكل وسيقوم بالتوقيع لنادى بلجيكى وهو فرى اى حر
اى ان الاهلى لن يحصل على اى مليم نظير احترافه

بإذن الله يحصل الحضري ويترمي بره النادي في داهية لا ترجعه

على فكره اللى عامل الموضوع ده عضو اسمه انا العب فى الزمالك

وبعدين مهما اعترضنا على اللى متعب بيعمله طبعا متعب عمره ما هيبقى زى الحضرى

فعلا
بيدي كلمة للخطيب وينفض له
ويقولهم مستني عروض من دوريات اوروبا القوية وفي الاخر عاوز يروح بلجيكا
يعني الكلام بتاعه على ان الاهلي احسن من الاحتراف في الدوريات التعبانة التانية
طلع كدب واي كلام برضه

وعاوز يطلع من الاهلي بدون ما الاهلي يكسب اي قرش

لا لاعب محترم فعلا

يتقال على ابوتريكة اهلاوي وبيحب الاهلي ومحترم
لما رفض ملايين وقعد عشان خاطر الاهلي

ونفس الكلام بيتقال على ابو سلسلة
مع انه عمل النقيض


حاجة حلوة فعلا

عمر ما حد قال انه متعب زى ابو تريكه او وائل

متعب ممكن يكون زى بركات واحمد حسن واحمد فتحى

لكن لا يمكن باى حال من الاحوال يكون زى الحضرى الهارب الخاين

ولا زي دول كمان

على الاقل دول مسمعناهمش قالوا حاجة واتفقوا مع الادارة على حاجة
وفي الاخر رموا كلامهم في الزبالة ومحترموشهاش ولا احترموا الجمهور
وطلع يكدب في كل القنوات

يا اسامه خلى بالك هو متفقش مع الخطيب انه هيجدد هو اتفق معاه انه هيبلغه قراره

وواضح انه فيه كلام حصل فى اليومين اللى فاتوا بين متعب والاداره ومتعرفش بقى اتقال فيه ايه والا اتفقوا على ايه

حاسس ان موضوع ستاندر ليج ده حركه عشان منظره العام بس

لا اتفق ان خلال اسبوعين لو مجاش عرض من الدوريات الكبيرة
حيجدد للاهلي
وطلع قال كده بنفسه مع سيد وسيد كان كل شوية يفكره
ومتعب عمل عبيط
وكان ساعتها فات 10 ايام
ومتعب عمال يقوله لا مش 10

يعني واضح انه كان بيكدب على الخطيب وملوش نية للتجديد

يارب يارب ادارة الاهلي ترفض تجدد معاه وترميه بره
وخليه بقه يروح الزمالك ولا اي داهية
مش حيبقى احسن من فلافيو الي مشي

يارب يارب ادارة الاهلي ترفض تجدد معاه وترميه بره
وخليه
بقه يروح الزمالك ولا اي داهية
مش حيبقى احسن من
فلافيو الي مشي

ترفض مين يا اوس صلى عالنبى فى قلبك احنا حيلتنا غيره

وبعدين زمالك ايه اللى يروحه هو هيرمرم ..ده ستاندرليج بالنسبه لهم برشلونه

وبعدين الاهلى مسابش فلافيو يمشى الا لما كان عارف ان متعب قاعد الموسم ده وكان المفروض انه خلال الموسم ده يشوفوا بديل لمتعب لانهم عارفين كويس اوى من ساعه ما راح اتحاد جده انه خلاص مش مكمل فى الاهلى

سنتين وانت مش عارف تجيب بديل رغم انه قايلك انا خلاص ماشى

لا فلافيو كان مصمم يمشي وكان عاوز يمشي من يناير
وهو طلع بنفسه وقال كده في مجلة الاهلي
وقال انه اتضايق ان ادارة الاهلي رفضت مجرد مناقشة الموضوع
وقال انه عاوز يمشي عشان يؤمن مستقبله بعد ما يرجع انجولا

واحنا استفدنا بمتعب في كام ماتش السنة دي اصلا
ده قعد نصها مصاب

وكان كل موسم يقعد نصه مش بيعمل حاجة
يروح في داهية
هو فاكر نفسه حاجة ويقول حاحترف في نادي كبير والهبل ده
ده الي احسن منه مليون مرة محدش عبرهم

يا اسامه حرام عليك بص يا راجل لنتيجه الاستفتاء بتاع احسن لاعب فى الاهلى السنه دى وانت تعرف استفدنا منه والا لأ

يا راجل ده تقريبا هو اللى حسملك الدورى فى الدور التانى

الجمهور مش بيفتكر من اول الموسم
كله بيجيب من الاخر

ده فيه ناس مختارة ابوتريكة وشهاب من احسن اللاعبين في الموسم

شهاب الي مبدأش يلعب اساسي غير في ماتش الاتحاد الليبي
وعشان جاب هدفين من شوطتين بقه من احسن لاعبي الموسم

وفيه ناس مختارة شكري
ولو كان احمد علي اتحط كنت حتلاقي ناس اختارته

فيه ناس ادت تريكه وشهاب ...نسبه بسيطه

لكن الغالبيه العظمى ادت بركات وفتحى ومتعب اللى هما كانوا فعلا احسن لاعيبه فى الاهلى الموسم ده

اخرك بلجيكا....اللي ربنا بيبتليه بيبتليه في عقله