عماد متعب : ينضم رسميا لستاندر لياج

basbosa wrote:

الجدير بالذكر أن****قد إنفرد اليوم بخبر تأجيل " متعب" للتجديد ، بالإضافة إلى
إنفراده مسبقاً بخبر غياب "فتحي" حتى نهاية الموسم .

هو ايه الشماته دى .. وفرحانين كمان !!

اهلى فيوز عادى جدا

مبينفردش غير بخبر الاصابات وبوظان الصفقات ...موقع فقرى اخر حاجه

yulanda wrote:

basbosa wrote:

الجدير بالذكر أن****قد إنفرد اليوم بخبر تأجيل " متعب" للتجديد ، بالإضافة إلى
إنفراده مسبقاً بخبر غياب "فتحي" حتى نهاية الموسم .

هو ايه الشماته دى .. وفرحانين كمان !!

اهلى فيوز عادى جدا

مبينفردش غير بخبر الاصابات وبوظان الصفقات ...موقع فقرى اخر حاجه

ان شاء الله هيتقفل قريب

اه .. جدا

ما انا قريت الكلام ده برضه

عموما كله هيبان فى الفتره الجايه ....بس برضه الراجل عنده اصابتين مش اصابه واحده ولو ملحقش ماتش الزمالك يبقى عشان الاصابه

ولو هو ناوى يستندل مكانش لعب ماتش الاتحاد اصلا خاصه ان الدكتور الالمانى قاله متلعبش

الكلام كتير والحقيقه مختفيه

osamahlawy wrote:ده لو كان قاله كده بقه

ياراجل ده النادى هو اللى مسفره المانيا وايهاب على كان مسافر معاه

متعب يشارك أمام الزمالك فى كأس مصر


علم "اليوم السابع" أن هناك اتفاقا ثلاثيا بين الجهاز الفنى لفريق الكرة
بالنادى الأهلى بقيادة حسام البدرى والجهاز الطبى للفريق بقيادة الدكتور
إيهاب على وعماد متعب مهاجم الفريق على مشاركة الأخير فى لقاء الزمالك
المتوقع بين الفريقين فى دور الـ16 لكأس مصر والمحدد لها يوم 26 مايو
الجارى بحيث يخوض اللاعب تدريبات علاجية حتى موعد المران الأساسى للفريق
قبل مواجهة الزمالك فى كأس مصر الذى يشارك فيه متعب استعدادا لهذه
المواجهة.

جاء ذلك خلال الجلسة التى جمعت الثلاثى قبل مران الأمس للوقوف على الموقف
الأخير للاعب قبل بداية فترة الإعداد لكاس مصر التى يبدأ الأهلى فيها
المشوار بمواجهة نبروه السبت المقبل.

خاص - متعب يشارك فى مباراة القمة.. ويستكمل برنامجه العلاجى بعد
المباراة


علم (GoalFmRadio.com) ان فرص عماد متعب فى اللحاق
بمباراة القمة فى كأس مصر يوم 26 مايو الجارى باتت قوية.
وسيخضع هداف الاهلى لبرنامج علاجى تأهيلى مكثف للحاق بالمباراة، على
ان يشارك فى اللقاء المرتقب ثم يعود بعد ذلك ويستأنف برنامجه العلاجى.
وكان متعب قد تعرض للإصابة بكدمة قوية خلال مشاركته فى مباراة الاتحاد
الليبى فى القاهرة والتى انتهت بفوز الأهلى بثلاثة أهداف نظيفه.
ويخضع متعب حاليا لبرنامج علاجى مكثف بعد أن تعرض موضع الإصابة
للتورم، ولكنه سيشارك فى مباراة القمة ويعود ليستكمل برنامجه العلاجى على
غرار ما حدث فى مباراة الاتحاد الليبى.

ياريت مايلعبش وهو مصاب

الكلام بدأ يتغير

كلام ايه؟

متعب قال انه اتفق مع الخطيب انه في خلال 15 يوم من امبارح لو في عرض معين جاله هايمشي...مجاش العرض هايقعد
والخطيب قاله لو العرض جه بعد التوقيع هايمشي

متعب كان مع علاء صادق

قال انه لسه مش عارف هيلحق ماتش الزمالك والا لأ ولسه هيشوف الموضوع ده مع الجهاز الفنى والدكتور قاله انه لو لعب عالاصابه مش هيبقى فيه تفاقم للاصابه فلو هو قادر يستحمل الالم يلعب لكن لو مش قادر يستحمله خلاص ميلعبش

قال انه قعد مع الخطيب امبارح واتفق معاه انه خلال 15 يوم هيقوله موقفه النهائى من التجديد لانه مستنى عرض كويس هيجيله فى الفتره ديه ولو العرض ده مجاش هو هيروح من نفسه للخطيب ويوقع العقد

وقال ان الخطيب قاله بعد ال15 يوم لو مضيت للاهلى وبعدها جالك عرض كويس اعتبر نفسك فرى وروح واحنا هنحلك من التعاقد الجديد وهو شكر الخطيب على الموضوع ده

اظن كده الاداره عملت معاك الواجب وزياده يا عمنا ...بس الصراحه انت محترم وتستاهل الاداره تعاملك باحترام

ازاي يعني يوقع ولو جاله عرض نمشيه ببلاش

ادارة ضايعة

يا عم يعنى مش هيوتقوا العقد الا مع بدايه الموسم الجديد
عادى يعنى ما احنا ياما عملناها مع عالم متستاهلش زى حسنى عبد ربه وحمزه الجمل ووائل القبانى مش هنعملها مع متعب

هرجع تانى اقول نفس الكلام اللى قولته قبل كده

انت مدفعتش فى متعب ولا مليم وعقده كان لحد قبل ما يسافر السعوديه 100و150و200و250 الف جنيه فى الموسم فى حين ان واحد زى بلال كان عقده مليون جنيه فى الموسم وهو مهاجم من منازلهم

يعنى تقريبا متعب كان بيلعبلك ببلاش وكان نجم من نجوم الفرقه ولا زال رمز من رموز هذا الجيل

ده غير انك اعارته موسم وخدت فيه 600 الف دولار وكان المفروض يبقوا مليون دولار للنادى و600 الف للاعب بس النادى هو اللى عكس الامور الماديه تقديرا لمتعب

انت لحد دلوقتى ماديا واخد من متعب اكتر ما اديتله..انا بتكلم على الفلوس بس مش على حاجه تانيه

شوف بقى فى المقابل الزمالك دفع كام عشان يجيب عمرو زكى وكان بيدفعله كام فى الموسم واطرح ده من ده وانت تعرف ان الفرق مش كبير

لا متعب اخد كتير
وفي الاخر هو بيلعب يعني

ما انت شوف عقده بعد اما تعدل بقه بكام

osamahlawy wrote:لا متعب اخد كتير
وفي الاخر هو بيلعب يعني

ما انت شوف عقده بعد اما تعدل بقه بكام

بقى 800 الف فى الموسم سعادتك

وبعدين لما متعب مش بيلعب مين اللى بيلعب ..اسامه حسنى وبلال

ده مش سؤال هو بيلعب ولا لا

قصدي انه مش بيشتغل يعني ده بيلعب
عشان ياخد 200 الف جنيه يعني
دول كتير قوي