عمـــ(2)ـــاد متعــب : الزمالك يفاوضه

بصراحه انا مستندل متعب اوى فى الحركه ديه بس فى نفس الوقت مستغرب ان
الاداره موافقه وهو ده اللى مخلى الجمهور مش قادر ياخد موقف سلبى من متعب
لان بتوع الاداره بيطلعوا يقولوا شعر فى احترامه واحترافه والتزامه
وصراحته وحبه للنادى ...ده انا لما بسمع هادى خشبه والبدرى بيتكلموا عليه
بحس انه ماسك علينا ذله

هى حاجه من اتنين .....يا اما الواد ده فعلا محترم معاهم اوى وصريح جدا
وبيحب النادى بجد عشان كده هما بيساعدوه وعاوزين يحققوله حلمه بصرف النظر
عن الفلوس

يا اما الواد ده فى موقف قوه اوى وهما مضطرين يعملوا كده ومفيش فى ايديهم
حاجه يعملوها غير كده عشان ميتقالش ان اداره الاهلى بتعامل النجوم غلط
وبتطفشهم من النادى

جمهور مين الي مش قالب
دول البنات الي بيشجعوا الاهلي عشان متعب
والي بيشجعوا اللاعيبة اكتر من النادي



اول مرة أشوف واحد بيحب مكان
صرف عليه وعمل منه حاجة
وفي الاخر عاوز يخلع وميخليش
المكان ده يستفيد منه بقرش


متعب ووكيله فاكرينا هبل
او فاكرين جمهور الاهلي كله بنات

لا مش البنات بس اللى بيقولوا كده للاسف

ادخل كوره وشوف الاهلاويه وهما بيقولوا ده حقه واحنا فى زمن الاحتراف

يا ابنى انا امبارح كنت بتناقش مع جدى اللى بيشجع الاهلى من الاتلاتينيات بجنون واللى كان سبب رئيسى فى تشجيعى للاهلى واللى كان فى شبابه مش بيفوت ولا ماتش للاهلى فى الاستاد

بكلمه فى موضوع متعب وانه ندل اخر حاجه قاله لا ده واد محترم وده حقه وهو ادى النادى كتير والمفروض الاداره تسيبه كنوع من انواع التكريم له ومش مهم الفلوس والاهلى عمره ما كان بيدور عالفلوس

وعلى فكره انا اتناقشت مع ناس كتيره فى الموضوع ده ومعظمهم شايفين انه ده حقه لانه ادى النادى والمنتخب كتير ومن حقه علينا اننا نحققله حلمه

بجد انا حاسس ان انا اللى فيا حاجه غلط

احنا بننحر قلينا عشان مصلحه النادى والاداره ولا فارق معاها

وعلى فكره لما شادى اتساب ببلاش للاتحاد وحسن مصطفى اتساب ببلاش للزمالك والشاطر اتساب ببلاش للحرس ده طمع الناس فينا وخلى كل لاعب يروح للاداره يقولها انا اديت للنادى كتير سبونى ببلاش بقى

بس وضع متع يختلف ...التلاته اللى اتسابوا دول كانوا تقريبا مخلصين كوره لكن متعب انت تقدر تستفيد منه فنيا وماديا لمده 4 سنين كمان على الاقل

فمكانش المفروض ابدا انه يتساب ببلاش

كان لازم الاداره يبقى ليها موقف حاسم معاه اكتر من كده ...بس للاسف الحلول الوديه بقت هى اللى ماشيه دلوقتى ومصلحه اللاعب وتكريمه بقت بتجى على حساب مصلحه النادى

كووورة إيه بس
دول معظمهم أطفال
الاهلاوية معظمهم بيشجعوا لاعيبة بس
زي الي بقوا زملكاوية لما حسام وإبراهيم راحوا هناك

والي مش حيشجعوا الاهلي لما متعب يمشي

يعني إيه إد للأهلي كتير
يعني هو كان ببلاش

واحد آخره بيلعب وأخد ملايين
الملايين دي هو الي أداها لنفسه برضه
ولعب كام موسم عدل اصلا
هم موسمين بس
ومش كاملين كمان
يعني معملش للأهلي كتير ولا حاجة
ولو عمل فهو أخد اكتر من حقه

كفاية انه لولا انه في الاهلي
كان ممكن يكون مرمي في السجن دلوقتي
بعد ما اتخانق مع ظابط شرطة

قال عماد متعب فى تصريحات تلفزيونية أنه اتفق مع الكابتن هادى خشبة مدير الكرة بالنادى الأهلى حول البت فى العروض التى قدمت للاعب خلال الفترة الحالية والعروض القادمة للاعب واختيار العرض الأنسب منها بالاتفاق مع النادى الأهلى .

اهم عارفين يا احمد اذا كان فيه عروض ولا لا
بس برضه متعب مش عارف فاكرنا عبط ولا ايه
استفادة ايه الي حياخدها الاهلي ومفيش عقد بينك وبينهم

اتفضل يا اوس

ادى عينات من اراء الاهلويه

اولا انا و لا هقول انا اهلاوى و لا الكلام دة انا هدخل فيي الموضوع
علي طول.....الناس اللي زعلانة من متعب و بتتهمه بعدم الولاء عشان عايز
يمشي و يحترف.ز
تفتكرو متعب لو عنده ذرة شك ان ادارة الاهلي هتسيبه يحترف بسلام كان
عمل كدة.........مين اللي احترف من عندنا غير شوقي و حسام غالي دة بعد ما
طلعنا عين اهلهم و كان عقدهم هيخلص فمشيناهم.......حتي حسين ياسر المحمدى
اللي احنا قلنا مش عايزينه برضو ذليناه عشان نسيبه رغم ان احنا مش عايزينه
و دة كله تحت بند مصلحة الاهلي انا متفق مع ادارة الاهلي تماما لكن كمان
من حق اللعيب انه يدور علي مصلحته هو كمان
و عايز اقول للناس اللي بتشجع الاهلي (او بيعبدو ادارة الاهلي و
شايفنها مش بتغلط خالص)بلاش لما ادارة الاهلي تعمل حاجة تقولو احتراف و
لما اللعيبة تيجي تتكلم تقولو مفيش انتماء
علي فكرة اقسم بالله انا اهلاوى بس بجد اتخنقت من العالم دى اللي شايفة ادارة الاهلي مش بتغلط ابدا
و بقول لمتعب شوف مستقبلك و اى نعم الاهلي مش بيقف علي حد لكن برضو انت صح

لو مشى الاهلاوية مفيش حد فيهم يزعل


لان العقد وانتهى والاهلى مش عبيد لاى لاعب ومفيش اهلاوى يقبل ان لاعب يكون فى الفريق غصب عنه


ولو مشى متعب


يبقى شكرا ليه على الفترة الكبيرة اللى كان فيها فى الاهلى وهو عنده 13 سنة


وربنا يوفقه فى الاحتراف


احسن مليون مرة من لاعب يهرب والعقد لم ينتهى بعد

الناس زعلانة من متعب علشان هيمشي ومش هيفيد النادي ماديا

والراجل طلع قال انه هيتفاوض مع النادي اللي هيروحه انه يدي الاهلي نسبة من التعاقد

غير طبعا حقه في الرعاية

وقال انه حريص جدا ان الاهلي يستفاد منه ماديا وانه مبياخودش اي خطوة غير لما بيتكلم مع هادي خشبة ويقولو عليها

وانه مش هيحترف غير بمباركة النادي وقال ان الادارة متفهمة الموقف ومفيش مشاكل

يبقى اي حد عايز يهاجم بعد كده يبقى بيهاجم متعب كرها في متعب مش حبا في النادي

واكييييييييييييييد الاهلي مش هيقف على لاعيب

يبقى ربنا يوفق متعب برة ويشرفنا

ويوفق الاهلي ويطلع متعب جديد

ومين اللي زعلانين من متعب؟

ربنا يوفقه وبجد اللاعب ده نفسي يحترف لانه يستاهل

ومسيرة يرجع تاني للاهلي

كل الشكر لمتعب على ما قدمه للاهلى طوال الاعوام السابقة ونتمنى له التوفيق سواء ظل معنا او فى اى مكان اخر

لو مشى الاهلاوية مفيش حد فيهم يزعل


لان العقد وانتهى

مهربش يعني

لمشكلة ان ادارة الاهلي ليها حركات بتحتاج تفسير بصراحة زى موضوع ياسر المحمدى و الذل اللي شافه في الاهلي

لعيب احنا قلنا مش عايزينه و مع ذلك عندنا استعداد نقعده جمبنا

وللاسف مش هتلاقى غير واحد او اتنين اللى شايفين اننا لازم نستفيد منه ماديا ....الظاهر اننا بننفخ فى قربه مقطوعه

osamahlawy wrote:وامبارح نادر شوقي قالها
لو النادي الي عاوز متعب رفض انه يدفع حاجة للاهلي
وده حقه
وان المفاوضات حتبوظ عشان كده
يبقى طز في الاهلي اهم حاجة مصلحتنا

يا اوس هو انت مصدق حوار انهم هيفاوضوا النادى الاجنبى عشان يدفع حاجه للاهلى ...ده فيلم معمول عشان المنظر العام لمتعب بس

ده لو نادر شوقى راح قال الكلام ده لاى نادى هيقولوله غور فى داهيه انت واللاعب بتاعك احنا اساسا دخلنا معاه مفاوضات عشان عارفين انه فرى

هو اللى مخلينى مستبعد سوء النيه من الاول حاجه واحده

انه متعب لما راح اتحاد جده جدد موسم للاهلى مكان اللى راحه وهو مكانش ناوى يرجع وكان ناوى يطلع على اوروبا فى الصيف اللى فات وده معناه انه الاهلى كان هيستفيد ماديا بشكل كويس برضه

بس طبعا الاصابه هى اللى عطلت احترافه فى الصيف وكاس الامم عطل احترافه فى يناير


مش عارف ليه طيب معملش زى السنه اللى فاتت وجدد موسم واحد حتى عشان الاهلى يستفيد ماديا؟

هل لانه بقى عنده عروض وخايف تضيع لو مضى ؟

اه خايف من الاهلي الي بيقول بيحبه وبيدوب في دباديب الي جابوه

لانه عارف ان سعره اصلا ميعدين 50 الف دولار ولا 100 الف دولار وده اخره
والاهلي طبعا لو جدد معه وحتى لو وافق يحط شرط جزائي
اقل حاجة الاهلي حيقول يبقى مليون دولار
وطبعا متعب عمره ما حيجيله عرض بالمبلغ ده لانه مهاجم على قده
ومش بيجيب اهداف كتيرة

سبحان الله

لو مكانش جدد عقده موسم بدل اللى راحه اتحاد جده وكان راح بيع كان زمانه
غصب عنه مضى للاهلى عقد جديد فى الصيف اللى فات عشان كان هيبقى مصاب ومش
لاقى نادى

سبحان الله .....دنيا

osamahlawy wrote:اه خايف من الاهلي الي بيقول بيحبه وبيدوب في دباديب الي جابوه

لانه عارف ان سعره اصلا ميعدين 50 الف دولار ولا 100 الف دولار وده اخره
والاهلي طبعا لو جدد معه وحتى لو وافق يحط شرط جزائي
اقل حاجة الاهلي حيقول يبقى مليون دولار
وطبعا متعب عمره ما حيجيله عرض بالمبلغ ده لانه مهاجم على قده
ومش بيجيب اهداف كتيرة

لا يا اوس متعب لو مجدد للاهلى كان هيجيب على الاقل مليون ونص استرلينى

ومش حقيقى انه سعره لا يتعدى 100 الف دولار لانه لما جاله عقد من البورو وباظ كان معروض فيه 2 مليون استرلينى ولما جاله عرض من برستول وباظ كان معروض فيه مليون و750 الف استرلينى وفى الفتره اللى جاله فيها العروض ديه كان متعب مستواه اقل من دلوقتى بكتير

لأ متعب يجيب طبعا ويجيب فلوس كويسه

بس الفكره انه لما هيبقى فرى العروض هتزيد وهتبقى من انديه وضعها افضل واسمها اكبر بدليل عروض جنوه وقيصرى سبور اللى عاوزين يتعاقدوا معاه من دلوقتى

الفكره مش فكره انه مش هيجيب فلوس الفكره فكره انه العروض هتبقى اكتر وهو فرى

لكن متعب طبعا لو هيتباع هيجيب فلوس كويسه

هي فين العروض دي
مفيش ولا عرض جه للاهلي رسمي
وكل الي اتقال كلام على لسان وكيل اعماله
وكلام في الصحف وخلاص

وكل مرة كان القيعي بيطلع يقول
موصلناش حاجة رسمي

osamahlawy wrote:هي فين العروض دي
مفيش ولا عرض جه للاهلي رسمي
وكل الي اتقال كلام على لسان وكيل اعماله
وكلام في الصحف وخلاص

وكل مرة كان القيعي بيطلع يقول
موصلناش حاجة رسمي

عرض البورو كان رسمى يا اوس

وعرض برستول كان رسمى والعقود اتمضت كمان واتصور بفانله النادى

فين الرسمي ده !!
مسمعتش حد من الاهلي طلع وقال حاجة قبل كده


ونادر شوقي يقولك طبعا متعب يلعب في الدوري الممتاز مش درجة تانية
قال يعني بيرسول ده كان متصدر الدوري الانجليزي ولا حتى الاخير

osamahlawy wrote:فين الرسمي ده !!
مسمعتش حد من الاهلي طلع وقال حاجة قبل كده


ونادر شوقي يقولك طبعا متعب يلعب في الدوري الممتاز مش درجة تانية
قال يعني بيرسول ده كان متصدر الدوري الانجليزي ولا حتى الاخير

يا اوس عرض البورو كان رسمى والله وكان فى نفس توقيت عرض شوقى

كانوا عاوزين متعب وشوقى مع بعض وكانوا الاتنين مسافرين مع بعض يعملوا الاختبارات بعد ماتش مصر وكوتديفوار الودى فى فرنسا اللى متعب مجالوش فيه ولا كوره ده وساعتها البورو بعتوا للاهلى تانى عاوزين شوقى بس وبيأجلوا مفاوضاتهم مع متعب لنهايه الموسم

لما ساعتها اتقال انه الاهلى ماطل فى الرد على عرض متعب وغالى فى طلباته الماديه واتاخر فى الرد فالموضوع باظ وديه كانت نقطه التحول فى العلاقه ما بين متعب والاداره

وعرض برستول مكانش نادر شوقى اللى جايبه اللى جايبه كان محمد حميد ومن الاخر نادر شوقى هو اللى اقنع متعب يلعب ماتش الزمالك وكان فى نيته انه يبوظ العرض عشان مش هو اللى جايبه وقد كان

كما قررت اللجنة إيقاف مدرب الحراس في فريق حرس الحدود إسلام يوسف مباراة
واحدة وتغريمه ألفي جنيهاً بعد دخوله ملعب المباراة وتلقيه أثناء إصابة
حارس مرماه كاميني، فيما تم رفض طلب الأهلي برفع الإنذار عن مهاجمه عماد
متعب الذي قام - في واقعة غريبة - بطرد يوسف لدى نزوله أرض الملعب.

احسن انهم وقفوا اسلام يوسف ده

بنى ادم مستفز

كلمة حق بقلم: عصام عبدالمنعم



مازلنا نعاني أعراض عسر الهضم لنظام الاحتراف وثقافته‏,‏ ونتحدث عن روابط
عاطفية بين اللاعب والنادي او بين المدرب والنادي او الاتحاد‏,‏ تسبق في
الأهمية المصالح المادية وتعلو عليها او هي ينبغي أن تعلو عليها‏..‏ في
تقديرنا‏-‏ الي درجة أن نعتبرها قيمة أخلاقية‏!!‏

هذه ليست فلسفة من جانبي وإنما توصيف للحالة وشرح لأسباب الصدمة التي نشعر
بها لأننا مازلنا‏,‏ كما أسلفت‏,‏ لم نهضم‏,‏ بل ربما لم نبلع أصلا فكرة
العلاقة الاحترافية بين الأطراف الرياضية وأهمها بالطبع رياضة كرة
القدم‏,‏ وكيف أننا نعيش هذه الأجواء الرومانسية كجماهير وربما كنقاد
أيضا‏,‏ في الزمان الخطأ‏,‏ ما أراه عيبا يتطلب التصحيح‏,‏ وليس من قبيل
الزهو الكاذب كأن يقول أحدنا‏:‏ إن عيبه الوحيد هو الصراحة المطلقة‏,‏
ويكون هذا التصريح في حد ذاته أبعد ما يكون عن الصدق‏!!‏
نعم فالرومانسية والتمسك بالعلاقات التي سادت في زمن الهواية المطلقة أو
حتي نصف الهواية‏,‏ تكون عيبا حقيقيا‏,‏ ومنطلقا خاطئا لأي أحكام او مواقف
تتميز علي أساسه‏!!‏
ولذلك فإنني تابعت ومازلت باستغراب شديد مراوغة عماد متعب نجم هجوم
المنتخب والأهلي‏,‏ وتهربه من مفاوضات تجديد عقده مع ناديه ومحاولات
التغطية علي هذه المراوغة‏,‏ برغم محاولات ادارة الفريق الحصول علي توقيعه
دون جدوي علي مدي شهور طويلة منذ انتهاء اعارته بالسعودية‏,‏ حيث رفض متعب
تجديد تعاقده الذي ينتهي بنهاية الموسم الحالي‏,‏ ولابد أن لديه عروضا
خارجية او اروبية بمبالغ معقولة‏,‏ ويري أنه حسابيا سوف يخسر اذا تقاسم
مقابل الانتقال للنادي الجديد مع النادي الأهلي‏,‏ حال توقيعه عقدا جديدا
مع القلعة الحمراء‏!‏
المشكلة هنا أن عماد لايكون مخطئا بأي درجة في نظر الواقعيين الذي يفهمون
ويقدرون لغة الاحتراف‏,‏ بينما يلومه الرومانسيون لتنكره لناديه الذي رباه
وصنع نجوميته‏!!‏ وشخصيا لايمكن أن ألوم متعب علي هذا الأسلوب العملي في
التفكير‏,‏ ولا علي ممارسته لحقه في الاختيار او بحثه عما يحقق مصلحته‏,‏
فهذه كلها أمور طبيعية‏,‏
أما غير الطبيعي حقا فهو نموذج أبو تريكة او مطالبة الآخرين أن يحتذوا به‏!!

يا جدعان تقريبا مفيش حد دمه محروق غيرنا

كله واقف فى صف متعب واللى بيعملوا بما فيهم رموز الاعلام الاهلاوى

الظاهر ان احنا اللى رومانسيين زياده عن اللزوم فعلا

ياللا اياكش يولعوا بقى قال يعنى الفلوس ديه هتدخل جيبنا فى الاخر ....بلا حرقه دم بقى

ربنا يشفي