مصر : متابعة الأزمة

osama sami wrote:

المشكلة في مصر مفيهاش في حكومة بس
الشعب نفسه معظمه مش بيحب حد يحاسبه
يعني حتى لو الحكومة كويسة وبنت حلال
برضه حنعترض عليها

بس دلوقتي الحكومة جابت اخر حدود الفساد والظلم
ومحدش بيحاسبها

بس برضه الشعب فيهم ناس من نفس النوع
بلطجية وحرامية وتجار مخدرات وحشاشين ومدمنين وقتلة ومرتشين ووووو

حتى في الامور العادية
لو حد مثلا مش لابس الحزام
وجه العسكري اخد مخالفة وسحب الرخصة
الي اتحسبت منه الرخصة بيكلم مليون واحد عشان يجيب له الرخصة من غير ما يدفع مليم
حتى لو الانسان ده غني ومستريح ماليا وحيدفع له 150 جنيه ولا حاجة
بس لا لازم الفهلوة والعلاقات وخلافه

لو حنغير
يبقى نغير الاتنين

ونغير شعب قبل حكومة

عني قدموا مصلحتهم الشخصيه علي مصلحة البلد....نفس اللي الحكومه بتعمله اهه
زي ماايمن قال...زوال الحكومه لن يحل المشكله

bibo010 wrote:

sally wrote:

أيمن wrote:

Eng Mady wrote:

sally wrote:

Eng Mady wrote:ياريت بس المناضلين اللي نزلوا في الشوارع مايعيطوش بعد كده ويقولوا الامن ضربنا والبلد اتبهدلت وعربيتي اتكسرت والفيلم المعروف ده

ادعيلهم يانوسه
ربنا معاهم

ادعيلهم ازاي وانا مقتنعه انهم غلط
الناس دي هتودينا ورا الشمس

والله يا مادي انا محتار
الحكومه بتاعتنا محتاجه جرس تنبيه
لكن المشكله ان اللي بيعملوا كده بيعملوه مش علشان البلد
بيعملوه علشان مصالح شخصيه
وهندخل ف دوامه مات الملك عاش الملك
يعني يمشي مبارك ويجيي مبارك غيره وكلهم زي بعض
انا اللي صعبان علي بجد نوعين
اولا عسكري الامن المركزي الغلبان اللي واخد تعليمات وبينفذها من غير فهم ولا وعي ورغم كده ممكن يجراله حاجه ف الزحمه زي الغلبان اللي مات ده
والناحيه التانيه الناس المتحمسه علشان بتحب البلد مش علشان اهداف خاصه
ودول ممكن يكونوا هم السلم اللي هيطلع عليه مبارك جديد للسلطه

ومش صعبان عليك الناس اللى مش لاقيه تاكل
ومش صعبان عليك الشباب العاطل اللى ضاع
ومش صعبان عليك اللى بيتعذبوا فى اقسام الشرطه
ومش صعبان عليك اللى الرصيف بيتهم
و و و ...
ولا علشان احنا قاعدين فى بيوتنا تحت التكييف وقدمنا اللاب توب وكوباية النسكافيه
ياريت نحس بالناس شويه

حرام بقى
كفايه
انزلوا شوفوا الناس اللى بتروح تموت نفسها علشان تاخد مساعده 300 جنيه ولا 500 فى السنه ويصرفوا بتاع 100 جنيه ولا اكتر علشان فى الاخر ياخدوا المساعده بعد سنه واكتر من سنه
انا شوفت مهازل حاجات مكنتش اتوقعها
ده انا لما بعدى من عند كشك عيش من ابو 5 قروش واشوف ست طلعت بكام رغيف وتبقى فرحانه والله مره شوفت ست بتتلقى تهنئه من الناس بعد ما طلعت من الطابور كانت فرحانه كأنها اشترت عربيه
فى ناس ساكنه فى بيت وسقفه خشب والشباك بتاعهم عباره عن كيس نايلون يمنع دخول الهواء فى الشتاء

لازم الناس دى تعيش عيشه محترمه
حسبى الله ونعم الوكيل