ياعينى هى حاجة مقرفة فعلا ده انا شوفت صرصار من فترة من ساعتها بخاف اجى ناحية المكان اللى هو كان فيه عاملى عقدة نفسية طب ماتعرفش بيجى منين اقفل الشقة كويس وحطوا سلك للشبابيك
كان فى زيارة لمصر تانى.. ... وهو شخص ابن بَلَد ولذيذ..
كان فرحان أوى واحنا بنتمشى
فى شارع عبد العزيز..
قاللى شايف يا فريكْيكُو..
كل ده يابانى .. كل ده يابانى..
وده اللى خلانى أقولُه
طول عمرك يا سِيكُوسِيكُو خايب
شوف انت تسهر وتفكر وتصَدَر
وأنا آخد جمارك وضرايب..
انت هنا فى بلاد العجايب..
أمال إيه..
قاللى ليه الهيصة الكتير دى واللمَه
قلت لُه البلد كلها ف ثانويه عامة..
عندكو مكتب تنسيق يا سيكو سيكو..
قاللى بس ده مش حل يا فريكْيكُو
عندنا فى اليابان مفيش مستحيل..
قلت له وعندنا ف مصر بالنا طَويل..
وعندنا تلات أهرامات ونيل.. ومستوره وزى الفل.. قاللى عندنا ف اليابان المسئول اللى يغلط.. مفيش غير الانتحار.. قلت له وعندنا ف مصر ...اللى يخربها بيخرج منها معزز مكرم من صاله كبار الزوار.. ده المسامح كريم يا أخى.. وبعدين.. رُوحنا اتغدينا كوارع ف الحسين ومن ساعتها مش عارف هُوَ فين.. مشفتش سيكوسيكو يا حج رِضَا