by yulanda Sun Oct 03, 2010 2:37 am
bibo010 wrote: لاعيبه كتير مرت بأزمات اقل من اللى مر بيها متعب وانتهت لكن هو بيعدى كل ازمه وبيرجع
فين الازمات دى ؟؟
اصابه كبيره بعد تألقه فى كاس العالم للشباب على طول
موضوع كمين الشرطه
موضوع ابو المعاطى زكى
اصابه كبيره بعد تألقه فى السعوديه تنهى على امله فى موضوع الاحتراف
اصابه مزمنه فى عز تألقه مع الاهلى الموسم اللى فات
موضوع ستاندرلييج واللخبطه اللى حصلتله الفتره اللى فاتت واللى كان ممكن تأثر بشكل كبير على مستقبله لولا ان معاه وكيل اعمال شاطر عرف يحلله الموضوع ودى
ازماته مع جوزيه واللى اتوقف فيها مرتين ..كان ممكن اوى لو مدرب تانى غير جوزيه يحطه فى دماغه وينطره بره الفرقه ويركب عليه حد
اشاعات لا حصر لها كان ممكن جدا تأثر على شعبيته وتواجده فى الفريق
الضغوط المستمره اللى بيتعرضلها كل ما بيلبس فانله المنتخب والهجوم الشديد عليه واتهامه دايما بانه بيلعب عشان شحاته بيحبه
ازمته الحاليه مع المصور الصحفى ومع رابطه الكرفس بتاعت ابو عايد
دول اللى انا فاكرهم دلوقتى
وكلها ازمات كانت محتاجه لعيب عنده اصرار انه يرجع +ان حد يساعده انه يرجع
عشان كده بقول انه رغم عدم اتزان شخصيه متعب فى بعض التصرفات بتلاقى ان كل زمايله ومدربينه بيحبوه وبيشكروا فيه على المستوى الشخصى
عشان كده بقولك انى بحس انه من جواه شخص مش وحش بس هو هوائى شويتين ومبيعرفش ياخد قرارات حاسمه فى حياته وعنيد احيانا عشان كده بيحط نفسه فى مشاكل كتير