عمـاد متعــب

وأكد مصدر مطلع لليوم السابع أن متعب أكد لإدارة النادى البلجيكى، أن
الطبيب الألمانى نصحه بعدم المشاركة فى المباريات ولا التدريبات قبل شهر
أكتوبر المقبل

وعلى الصعيد ذاته وصل متعب للقاهرة مساء أمس الأول، الخميس، فى زيارة
خاطفة تستمر لمدة 48 ساعة، ومن المقرر أن يغادر القاهرة فجر غد، الأحد،
عائداً لبلجيكا.

وانا اقول بقالهم يومين مش بينزلوله 350 صوره عالسايت بتاعهم ليه

فيه حاجه مش مفهومه برضه

منين متعب ونادر قالوا انه ممكن يشارك بعد 15 يوم ومنين نزل تدريبات
تأهيليه قويه جدا زى ما كان باين فى الصور ومنين الدكتور الالمانى قاله
مفيش تدريبات ولا ماتشات قبل اكتوبر ؟

حد فاهم حاجه

لا صعبه ديه

ده اتقيد خلاص فى قايمه النادى البلجيكى وهما التزموا معاه بكل بنود العقد

مش سبهلله هى ...لو جاله نادى تانى النادى التانى هيشتريه من ستاندرلييج

بس شكل الخبر فى الاخر هيطلع متفبرك وفى الاخر نادر هيطلع ينفى كالعاده

بس هو موضوع ضهره ده شكله كبير يا اوس عشان حد فى الاهلى دوت كوم كان قالى عالخاص ان النادى البلجيكى اتصدم من الكشف الطبى بتاع متعب لما عرفوا انه لسه محتاج فتره علاج طبيعى طويله وقالى انه الاهلى فضل انه يرجع فى يناير لاننا كده مش هنستفيد منه فى افريقيا

الله اعلم بقى الحقيقه فين ...انا مبقتش فاهم حاجه

ما هو ده اللى حصل فعلا

هو معملش كشف طبى غير لما سافر هناك وهو كان ماضى العقد خلاص

تقريبا كده الشرط اللى كانوا بيقولوا عليه ممكن يفسخ العقد هو موضوع الكشف الطبى ...يعنى الاهلى كان عنده امل انه ميعديش الكشف الطبى فالعقد يتفسخ

لكن النادى البلجيكى اعتبر انها اصابه عاديه محتاجه شويه وقت ومتستدعيش فسخ العقد ولا حاجه خصوصا ان المدرب مقتنع بيه فنيا جدا

قصر الكلام يعنى متعب كان بيتلكك عشان يفسخ العقد وهما التزموا بكل كلامهم معاه فكان صعب يفسخ العقد

ده الكلام اللى اتقالى ...والله اعلم الحقيقه فين بقى عشان كل الاطراف غامضه فى الموضوع ده

هما نادى طماع مش نادى اهبل

هما مصدقوش انهم يلاقوا لاعب بالحجم ده فرى فجريوا يتعاقدوا معاه بسرعه عشان كان عندهم امل انهم يسوقوه بعد كده ويكسبوا فيه

ومعلوماتى برضه ان متعب فعلا كان عنده عروض كويسه جدا من انديه فى انجلترا واسبانيا والمانيا وكلها اتفركشت بسبب موضوع ضهره من ناحيه وبسبب ان فيهم عروض كانت جايه عن طريق شركات تسويق تانيه فنادر شوقى طفشهم عشان العروض مش عن طريقه ...ومتعب معرفش كل الكلام ده غير بعد ما ادبس فى موضوع ستاندرلييج

لاعب بالحجم ده

حجم ايه بس

ايوه يا اسامه بالنسبه لهم طبعا متعب لعيب كبير

انت مش شايف المدرب بيتكلم عليه ازاى ورئيس النادى فى المره الاولى استقبله ازاى ومهتمين اعلاميا بيه ازاى

طبعا هو بالنسبه لهم لعيب كبير ديه بلجيكا يعنى

متعب يفكر في العودة لمصر .. بعد إصرار والدته


أكد
مصدر مقرب من اللاعب عماد متعب في تصريح خاص لـ (GoalFmRadio.com)
أن والدة اللاعب تصر على بقاءه في مصر بعد أن أشتكى لها متعب.

وأشار
الى أن اللاعب -الذي يقضي أجازة لمدة يومين بالشرقية- أبلغ عائلته بالأرهاق الذي
يعاني منه بسبب زيادة ستاندرد ليج الأحمال التدريبيه عليه من أجل العودة سريعاً للمشاركة
في المباريات.

وقال
المصدر "والدة اللاعب طالبته بالعودة للعب في مصر وخاصة انه متغرب بالإضافة الى
أن النادي البلجيكي يريد الدفع به وهو مصاب".

وشدد
المصدر على أن إدارة النادي البلجيكي ترغب في الدفع بمتعب في مباريات الدوري
البلجيكي من أجل تخفيف ضغط الجماهير التي تتهمها بالتعاقد مع لاعب مصاب وخاصة أن مسئول
التاهيل أشار الى إمكانية الدفع به في فترات من المباريات بداية من الأسبوع الثالث
للدوري.

ويفكر
متعب -عندما يسافر فجرغداً الأحد- في الوصول لحل ودي مع النادي البلجيكي لعدم المشاركة
في المباريات لأن طبيبه الالماني أكد له خطورة اللعب مع الإصابة والتي قد تؤثر على
مسيرته أو العمل برغبات والدته والعودة لمصر بعد فسخ تعاقده مع ستاندرد ليج.

وهو حيرجع مصر يعمل ايه
مش حينفع ينضم لاي نادي خلاص

حاسس انها حوارات فكسانه اصلا

هى الحاجه اللى مش بتبتدى صح بتفضل ملخبطة كده

متخفى ياعم

osamahlawy wrote:بس هو نزل مصر ليه
مش خايف يمسكوه في المطار تاني

يا عمونا ما احنا قول حوار التجنيد ده كان فيلم من اخراج الاداره

osamahlawy wrote: كان سمع كلام ماما من الاول

ادى اخره عدم رضا الام

قالتله خليك فى الاهلى مسمعش كلامه وراح وقع لستاندرلييج

قالتله اتجوز مسمعش كلامها ومقضيها صياعه

امه ديه شكلها بتفهم اصلا وهو اللى واد اهبل