خالد طلعت ابجنى تجدنى وادينى فى الهايف

السلام عليكم ورحمه الله وبركاته
دول حبه كلام او شويه كلام بالصلاه على النبى كده الاخ خالد حب يملى بيهم صفحه كده علشان يحط فوقهم اسمه وصورته اللى اكبر عقاب لينا انه يحط صورته المهم بالصلاه على النبى كده مسك الورقه والقلم وقعد يعصر فى دماغه بحثا عن البترول فنزلت منها العصاره والخلاصه اللى لما نقراهاااااااااااا نقول يا سلام احنا كده بالصلاه على النبى هضمنا كاس الامم وبقينا عالميين فى الكوره انا عن نفسى بعد ما قريت الكلام اللى كتبه عرفت الشخص ده لما كان بيعصر ذهنه وبيدور وبيدعبس واذ فجأه ومن غير معاد كده بالصلاه على النبى طلعت زيت وزفت وقطران يعنى مشتقات البترول وصباح الفلوس اللى هتنزل عليك يا عم خالود دود الاخ خالد كاتب خزعبلات اه والله خزعبلات منها مثلا

لماذا لا ينضم كريم شحاتة للمنتخب؟

ده العنوان ولا تعليق !!

فقد فاجئنا "المعلم" بالعديد من المفاجأت من قبل، بدءا من ضم الراحل محمد
عبد الوهاب في 2006 ولم يكن أحد يعرفه وأصبح من نجوم البطولة،

يا صباح الجهل الكروى والبيض المقلى والاومليت والبيض المسلوق كمان
الاخ خلوده بيقول ان كابتن حسن شحاته ضم محمد عبد الوهاب الله يرحمه فى 2006 ومحدش كان يعرفه
طيب ارد عليه واقوله ايه والله الواحد مستخسر يرد على الجهلاء -على راى الدكتور علاء صادق -واحد جاهل لقى نفسه بيكتب اى كلام فاضى معقول افتكر نفسه حاجه
المهم يا عم الاسطى خالد محمد عبد الوهاب الله يرحمه كان بيلعب فى المنتخب قبل شحاته مايجى كان بيلعب مع تارديللى فى تصفيات كاس العالم لعب ماتش بنين 3/3
وسجل هدف فى ماتش مصر والسودان 3/0 فى تصفيات كاس العالم
محمد عبد الوهاب اللى محدش كان يعرف قبل 2006 كان بيلعب فى كاس العالم للشباب مع المعلم 2003 وامم افريقيا للشباب وكان متألق وسجل هدف عالمى فى كأس الامم 2003
طبعا لانك مش متابع فاكيد يا اسطى خالد متعرفش ان محمد عبد الوهاب الله يرحمه كان بيلعب مع الاهلى فى بطوله افريقيا 2005 وصنع هدف فى المباراه النهائيه من كوره عرضيه لاسامه حسنى وقبلها كان صنع هدف لاسامه حسنى فى ماتش انيمبا يعنى عبد الوهاب كان معروف ومشهور قبل كاس الامم وصباح الجاز
*******************************************************************

وإذا كان البعض مجد البرتغالي مانويل جوزيه ويصفه بالساحر والأسطورة لكونه
حقق ثلاث بطولات إفريقية مع الأهلي وكانت غير متتالية فبالتالي يجب أن نصنع
تمثالا لحسن شحاتة.

فجوزيه حقق بطولة ضعيفة وسط فرق متواضعة احترف معظم لاعبيها الجيدين في
الخارج، بينما الأهلي يمتلك كوكبة من النجوم، أما شحاتة فيمتلك لاعبين
محليين باستثناء زيدان وتفوق بهم على أعظم لاعبي إفريقيا الذين يلعبون في
أقوى بطولات الدوري في العالم.

شغل الكفته هيشتغل بقى يا عم الكفتجى انت كاتب مقاله بنفسك بعد فوز الاهلى بكأس افريقيا الضعيفه زى ما انت بتقول كان عنوانهها لماذا لايشارك الاهلى فى دورى ابطال اوروبا وروحت كلمت المهندس القيعى وقولتله الاقتراح ده لما هى بطوله ضعيفه عايز البطل بتاعها يلعب فى بطوله اوروبا ليه !!!
http://www.filgoal.com/Arabic/News.aspx?NewsID=49122

كما أن جوزيه عندما رحل لم يتأثر الأهلي كثيرا بل قدم أداء أفضل مع حسام
البدري الذي يتقاضي ربع ما كان يتقاضاه جوزيه، بينما فشل جوزيه في تحقيق أي
شيء مع منتخب أنجولا وودع البطولة من دور الثمانية على ملعبه دون أن يحقق
سوى فوز وحيد فقط على مالاوي.

ياعم الاسطى خالد فاكر بعد ماتش الاهلى وصفاقص فى 2006 لما كتبت مقاله وقولت فى اخر سطر رجاء من كل النقاد محدش يتكلم نص كلمه بعد كده عن مانويل جوزيه مهما عمل لانه اثبت عمليا انه مدرب قدير دلوقتى طبعا لازم ترجع فى كلامك طالما لقيت الفته فى حته تانيه وهنأجل موضوع الفته ده للكام سطر الجايين

ويجب على الجميع أن يتوقف من الآن ولاحقا عن انتقاد شحاتة لأنه فعل ما لم
يفعله أي مدرب عربي أو إفريقي طوال تاريخ كرة القدم، وهو أدرى منا بحال
المنتخب لأنه الأقرب من اللاعبين، واختياره لجدو يعني أنه متابع جيد لجميع
مباريات الدوري.

دى تبع الجزء اللى فات

كما أتمنى أن تتوقف أيضا وسائل الاعلام عن مهاجمة اتحاد الكرة ورئيسه سمير
زاهر، واتهامه بالـBusiness والسمسرة وتقاضي العمولات، فإذا كان زاهر يفعل
ذلك ويأتي لنا بالبطولات فأهلا وسهلا بالسمسرة والعمولات وليستمر في ذلك

هوبا هوبا اقفش ريحه الكفته بتاعه اتحاد الكوره والفته كمان
والله مش عارف اقول ايه يا عم الاسطى خالد

وعلى طريقه الاسطى خالد دائما يفضل انهاء الخزعبلات بتاعته بعباره وفى النهايه او واخيرا

فى حته نسيت اقول عليها هذا الاسطى دائما ما يهاجم عماد متعب وفى احدى المرات كتب ان متعب ارسل اليه تهديدا اعتقد ان السبب يكمن فى ان متعب شخص بخيل جدا ومالوش فى الفته والحدق يفهم

نو كومينت

خالد طلعت وكفي